Шаян ТВ

беренче татар телендә тәүлек буе эшли торган балалар-яшүсмерләр каналы.
(Шаян-ТВ битеннән юнәлтелде)

Шаян ТВ — беренче татар телендә тәүлек буе эшли торган балалар-яшүсмерләр каналы. Каналның рәсми сайты аша «ШАЯН ТВ»ны Русиядә генә түгел, ә чит илләрдә дә карарга мөмкин.

Шаян ТВ
ШаянТВ.jpg
логотип
Тапшыру җирләре

халыкара тапшыру

Тапшыру вакыты

тәүлек буе

Тапшыру теле

татар

Идарә үзәге

420095, Русия, Татарстан Җөмһүрияте, Казан шәһәре, Шамил Усманов урамы, 9 йорт[1].

Канал тематикасы

балалар-яшүсмерләр каналы

Тапшыру башлау вакыты

2018 елның 12 ноябре

Аудитория

30 млн.[2]

Хуҗа

«Яңа Гасыр» телерадиокомпаниясе» АҖ

Җитәкчеләр

Әминов Илшат Юныс улы

Шигарь

«ШАЯН ТВ» кара – булырсың шәп бала!

Сайт

[1]

ТарихҮзгәртү

2018 елның 12 ноябрендә Татарстан Республикасы Президенты Рөстәм Нургали улы Миңнеханов ярдәме белән «ШАЯН ТВ» телеканалы тәүге тапкыр эфирга чыкты[3]. Шул ук көнне тапшыруларны онлайн-режимда карау мөмкинлеген тәэмин итүче ШаянТв.ру сайты эшли башлады.

ТасвирламаҮзгәртү

Телеканал заман белән бергә атлый, «ШАЯН ТВ» 3 яшьтән алып 15 яшькә кадәрге балалар аудиториясенә исәпләнгән[3]. «ШАЯН ТВ» каналын 30 млн артык кеше карый [2]. ТР Президенты «ШАЯН ТВ» балалар телеканалының туган телебезне, мәдәниятне һәм мәгарифебезне саклап калуда әһәмияте зур дип саный.

Shayantv.ru сайты татар, рус, инглиз телләрендә эшли. Сайтны https://shayantv.ru/ сылтамасы аша табарга була. Өйдә, юлда – «ШАЯН ТВ» һәркайда, чөнки сайт теләсә кайсы смартфон өчен җайлаштырылган. Бер төймәгә басу белән, «ШАЯН ТВ»ның социаль челтәрләрдәге рәсми битен күзәтергә мөмкин: Инстаграм һәм Вконтакте. Шулай ук «ШАЯН ТВ»ның мобиль кушымтасын Google Play һәм App Store аша йөкләп, канал белән бер дулкында булырга мөмкин.

«ШАЯН ТВ» тапшыруларын карау ысуллары[2] Исемлек
Спутник челтәрләре «Триколор» «НТВ+» «Триколор» «ABS-2A»
Цифрлы мульплекслар «Таттелеком» «МТС» «Ростелеком» «КазГорСеть» «Дом.ру»
Рәсми сайт https://shayantv.ru
Видеоязмалар хостингы https://www.youtube.com/channel/Шаян_ТВ
Бүтән ысуллар Google Play кушымтасы App Store кушымтасы

МаксатыҮзгәртү

«ШАЯН ТВ» каналының төп максаты – татар телендә белем һәм тәрбия бирүче бердәм мәйдан булдыру; мультфильмнар, фәнни-популяр фильмнар, фикерләүне үстерергә ярдәм итүче тапшырулар аша балаларда татар телен өйрәнүгә кызыксыну уяту. Хәзерге вакытта каналда 20дән артык танып-белүне, белем бирүне һәм фикерләүне үстерергә ярдәм итүче оригиналь программалар эфирга чыга. «ШАЯН ТВ»ның дубляж студиясе каналның контентын үстерүгә зур өлеш кертә. Татар теленә иң яхшы мультфильмнар, халыкара дәрәҗәдәге фәнни-популяр, документаль һәм әдәби жанрдагы тапшырулар тәрҗемә ителгән.

Бүләкләре һәм мөкәфәтләреҮзгәртү

  • «ШАЯН ТВ» каналы «Карусель» телеканалы үткәргән «Главные герои – 2019» милли балалар премиясендә «Ел ачышы» номинациясенә җиңүче дип табылды.
  • "ШАЯН ТВ" телеканалы X дөньякүләм интернет-проектлар "Белем җәүһәрләре" бәйгесенең «Мәдәният һәм туризм өлкәләрендә иң файдалы һәм популяр интернет-проект» һәм «Иң файдалы һәм популяр татарча мобиль кушымта» номинацияләрендә беренче урын алды.
  • «Калеб» тапшыруы IX Бөтенроссия журналистлары һәм массакүләм мәгълүмат чаралары «Татар рухы һәм каләм» бәйгесендә «Массакүләм мәгълүмат чараларында татар халкының тормышына һәм эшчәнлегенә багышланган иң яхшы эшләр циклы» номинациясендә җинде.

СылтамаларҮзгәртү

ИскәрмәләрҮзгәртү

Татар телеканаллары