Төп менюны ачу

Хәбибулла Хәйруллин

Хәбибулла Хәйруллин, Хәбибулла Нәбиулла улы Хәйруллин (1923 елның 14 феврале, Чистай кантоны, Коры Көрнәле - 1945 елның 22 феврале, Өченче рейх, Бреслау) – Бөек Ватан сугышында һәлак булган тупчы, Советлар Берлеге Каһарманы (1945 елның 10 апреле, вафатыннан соң). Өлкән сержант.

Хәбибулла Хәйруллин
Х.Н.Хәйруллин.jpg
Туу датасы 14 февраль 1923(1923-02-14)
Туу урыны ТАССР Чистай кантоны, Коры Көрнәле авылы
Үлем датасы 22 февраль 1945(1945-02-22) (22 яшь)
Үлем урыны Өченче рейх, Вроцлав
Иялек РСФСРFlag of the Russian Soviet Federative Socialist Republic.svg РСФСР
ССРБFlag of the Soviet Union.svg ССРБ
Гаскәр төре Артиллерия артиллерия
Дәрәҗә Калып:ССРБ, өлкән сержант
Җитәкчелек иткән орудие
Бүләкләр һәм премияләр Совет Берлеге КаһарманыЛенин ордены

Тәрҗемәи хәлеҮзгәртү

1923 елның 14 февралендә ТАССР Чистай кантоны (хәзерге Алексеевск районы) Коры Көрнәле авылында туган. 1938 елда авылында җидееллык мәктәпне тәмамлаган, 1938-1941 елларда күмәк хуҗалыкта эшләгән. 1941 елның декабреннән Кызыл гаскәрдә, 1942 елның октябреннән — фронтта, Сталинград янында сугышта катнаша. Иделдән Одерга кадәр барып җитә. 6нчы армия 1248нче Запорожье танкка каршы артиллерия полкында туп командиры булып хезмәт итә. Ул хезмәт иткән полк беренчеләрдән булып, 1945 елның гыйнварында Одерны кичә. Тупчыларга дошманның күп санлы контрһөҗүмен кире кагарга туры килә. 7 февральдә Мальч торак пункты янындагы заводлар янында дошман совет гаскәренә аеручы нык каршылык күрсәтә. Хәбибулла Хәйруллин ачык позициядә торган туптан атып, дошманның 3 танкын, 100 гаскәриен юкка чыгара. 1945 елның 22 февралендә Бреслау янында һәлак була. 1945 елның 10 апрелендә ССРБ Югары шурасы президиумы фәрманы белән Советлар Берлеге Каһарманы исеме бирелгән.

Бүләкләр, мактаулы исемнәрҮзгәртү

ХәтерҮзгәртү

Әләски бистәсендәге мемориаль комплекста һәм укыган Коры Көрнәле мәктәбендә истәлек тактаташлар урнаштырылган.

ЧыганакларҮзгәртү

  1. Татарский энциклопедический словарь. Казань: Институт татарской энциклопедии АН РТ, 1999. ISBN 0-9530650-3-0

ӘдәбиятҮзгәртү

  1. Батырлар китабы. Казан: ТКН, 2000. ISBN 5-298-01001-6
  2. Герои Советского союза – наши земляки. В 3-х книгах. К.:ТКН, 1984.
  3. Алексеевский район: история и современность (составители И.Х. Халиуллин, К.М. Низамутдинов). К.: Матбугат йорты, 2000. ISBN 5-89120-115-1

СылтамаларҮзгәртү

ИскәрмәләрҮзгәртү