Төп менюны ачу

Фәнис Сәлахиев

Фәнис Сәлахиев, Фәнис Мөдәррис улы Сәлахиев (1966 елның 5 мае, ССРБ, РСФСР, Киров өлкәсе, Малмыж районы, Иске Йөрек) — спортчы (гер күтәрү төре), тренер, РФ халыкара класслы спорт остасы (1993), атказанган спорт мастеры (2000), 7 мәртәбә дөнья чемпионы (1993 елдан башлап).

Фәнис Сәлахиев
Ф.М.Сәлахиев.jpg
Туган телдә исем Фәнис Мөдәррис улы Сәлахиев
Туган 5 май 1966(1966-05-05) (53 яшь)
Киров өлкәсе, Малмыж районы, Иске Йөрек
Милләт татар
Ватандашлыгы ССРБFlag of the Soviet Union.svg ССРБ
Русия байрагы РФ
Һөнәре спортчы (гер күтәрү төре)
Бүләк һәм мөкәфәтләре 7 мәртәбә дөнья чемпионы
атказанган спорт остасы

Тәрҗемәи хәлеҮзгәртү

1966 елның 5 маенда Киров өлкәсе хәзерге Малмыж районы Иске Йөрек авылында туган. Мәктәптә укыганда физик тәрбия укытучысы Рәхимулла Зиннәтов йогынтысында чаңгы спорты, классик көрәш, соңрак авыр атлетика белән шөгыльләнә. Үзендә көч, түземлек, тимер холык тәрбияли. Әлмәттә физик тәрбия техникумын тәмамлагач, авыр атлетика буенча тренер булып эшли. 1988 елдан башлап, тренерлык эше белән беррәттән, гер спорты(рус.) белән мавыгып китә. Шушы елдан гер Олимпы үрләрен яулый башлый. В. И. Ленин исемендәге Киров дәүләт педагогика институтын тәмамлагач (1992), Татарстанга күчеп килә. Кукмара шәһәр тибындагы бистәсендә гер спорты төре белән җитди (һөнәри нигездә) шөгыльләнә (тренеры Владимир Николай улы Федоров, ТР атказанган тренеры). Үзенең нык көрәшче холкы, бик яхшы техникасы белән гер спортында зур уңышларга ирешә. 90кг, соңрак 90 кг нан югары авырлыкта двоеборьеда (толчок, рывок) чыгыш ясый, 32 кг авырлыктагы герне күтәрә. 1998 елда Рыбинскида узган РФ чемпионатында толчокта иң яхшы күрсәткеч бирә — герне 130 мәртәбә күтәрә, ике төрнекен кушкач — 230 мәртәбә күтәргән[1].

Гер спорты буенча 1нче дөнья чемпионатында (1993, Липецк, РФ) 90 кг га кадәр авырлыкта җиңгәч, Татарстанда гер спорты буенча спорт секцияләре ачыла башлый.

Спорттагы уңышларыҮзгәртү

  • 3 мәртәбә озын цикл буенча ыргымда РФ кубогы җиңүчесе[2]
  • 3 мәртәбә Дөнья кубогы җиңүчесе (19931996)
  • 5 мәртәбә РФ чемпионаты җиңүчесе
  • 7 мәртәбә дөнья чемпионы
  • Күп мәртәбә РФ рекордчысы
  • Күп мәртәбә дөнья рекордчысы

СылтамаларҮзгәртү

ИскәрмәләрҮзгәртү

  1. Двухпудовики на Волге. «Спортивная жизнь России», 1998, № 2
  2. Татарстанские гиревики – призеры Кубка России. tatcenter.ru, 03.07.2003