Рәхимҗан Хөсәенов
Рәхимҗан Хөсәенов, Рәхимҗан Сабит улы Хөсәенов (1953 елның 5 гыйнвары, СССР, РСФСР, Татарстан АССР, Балтач районы, Түбән Кенә) ― авыл хуҗалыгы һәм муниципаль эшлекле, 1997 елдан Саба районы хакимияте башлыгы, Татарстанның атказанган авыл хуҗалыгы хезмәткәре (1992), Фән һәм техника өлкәсендә Татарстанның Дәүләт премиясе лауреаты (1995). 1997-1999 елларда Татарстан Республикасы Дәүләт Советы депутаты.
| Рәхимҗан Хөсәенов | |
|---|---|
 | |
| Туган телдә исем | Рәхимҗан Сабит улы Хөсәенов |
| Туган | 5 гыйнвар 1953 (71 яшь) СССР, РСФСР, ТАССР, Балтач районы, Түбән Кенә |
| Милләт | татар |
| Ватандашлыгы |  СССР→ РФ |
| Һөнәре | муниципаль эшлекле |
| Бүләк һәм премияләре | .png){kind=small}  |
Тәрҗемәи хәле
үзгәртү1953 елның 5 гыйнварында ТАССР Балтач районы Түбән Кенә авылында туган. Әтисе Сабит ― Бөек Ватан сугышы ветераны, тракторчылар бригадиры булып эшләгән, гармунчы.
1970 елда Кенә урта мәктәбен тәмамлап, кыска вакыт колхоз производствосында эшләп ала. 1971-1973 елларда Совет Армиясе сафларында хезмәт итә.
«Инженер-механик» белгечлеге буенча Казан авыл хуҗалыгы институтының мкханика факультетын тәмамлаган (1978).
Хезмәт юлын Яшел Үзән районында башлап җибәрә: Ильич исемендәге күмәк хуҗалыкка (Күгәй авылы) баш инженер булып эшкә килә. 1981-1984 елларда ― Күгәй авыл советы рәисе.
1985 елда ― Норлат районы «Сельхозхимия» оешмасында баш инженер.
1986 елдан Арча районында: 1986-1988 елларда КПСС райкомында авыл хуҗалыгы бүлеге мөдире, 1988-1993 елларда 8 март колхозы рәисе, 1993-1997 елларда район башлыгының беренче урынбасары – авыл хуҗалыгы һәм азык-төлек идарәсе башлыгы.
1997-1999 елларда ― Саба районы хакимияте башлыгы, халык депутатларының Саба район Советы рәисе.
1999-2004 елларда ― «Татсельхозтехника»ның генераль директоры урынбасары.
2004 елдан «Татарстан сөте» (2004 елдан «Вамин-Татарстан») ААҖ генераль директоры урынбасары, ААҖ агросәнәгать комплексы җитәкчесе.
2012 елның июненнән пенсиягә чыкканчы ― Питрәч районының «Простор» АПК ААҖнең генераль директоры урынбасары.
2015-2016 елларда – Гаврилов исемендәге ААҖ (Саба районы, Тимершык) гамәлгә куючы һәм директоры[1].
Иҗтимагый эше
үзгәртү- 1997―1999 елларда ― Саба сайлау округы буенча Татарстан Республикасы Дәүләт Советы депутаты.
- күп мәртәбә Арча һәм Саба район Советлары депутаты
Бүләкләре, мактаулы исемнәре
үзгәртү- 1992 ― Татарстанның атказанган авыл хуҗалыгы хезмәткәре[2]
- 1995 ― Фән һәм техника өлкәсендә Татарстан Республикасы Дәүләт премиясе ― агротехника ысулларын уңышлы кулланган һәм рекордлы уңыш үстерүгә керткән хезмәтләре өчен[3]
Искәрмәләр
үзгәртү- ↑ ООО Им. Гаврилова - Тимершик - Директор Хусаенов Рахимзян Сабитович, archived from the original on 2022-08-16, retrieved 2022-08-16
- ↑ Татарстан Республикасының атказанган авыл хуҗалыгы хезмәткәре. 2022 елның 16 август көнендә архивланган. Саба районы сайты
- ↑ Хөсәенов Рәхимҗан Сабит улы
Әдәбият
үзгәртү- Ркаил Зәйдулла. Әтисенең малае. «Идел», 2008 ел, гыйнвар, 24-27нче бит.
Тышкы сылтамалар
үзгәртү- Расих Сабиров. Хөсәенов Рәхимҗан Сабит улы. saby-rt.ru
- Хөсәенов Рәхимҗан Сабит улы. Балтач энциклопедиясе (төзүче-мөхәррир Гарифҗан Мөхәммәтшин)