Рәфкать Сәфәров

Рәфкать Сәфәров, Рәфкать Хәбибулла улы Сәфәров, рус. Сафаров Рафкат Хабибуллаевич — атомчы-галим, физика-математика фәннәре докторы (1982), профессор.

Рәфкать Сәфәров
Туган телдә исем	Рәфкать Хәбибулла улы Сәфәров
Туган	1 май 1933(1933-05-01) (91 яшь) Үзбәкстан ССР Нәмәнгән
Милләт	татар
Ватандашлыгы	ССРБ ССРБ→ Россия Россия
Әлма-матер	Сәмәрканд дәүләт университеты[d]
Һөнәре	галим-физик
Җефет	Солтания, галим-химик
Балалар	уллары Ринат, Әсхәт, физиклар
Ата-ана	Хәбибулла Сәфәр улы (?-1946) (әти) Җәмилә (әни)
Гыйльми дәрәҗә:	физика-математика фәннәре докторы[d]

Тәрҗемәи хәле

1933 елның 1 маенда Нәмәнгәндә туган. Әти-әнисе Ырынбур өлкәсе Куандык районы Ильинка авылыннан Урта Азиягә качкан була. «Физик-теоретик» белгечлеге буенча Сәмәрканд дәүләт университетының физика-математика факультетының физика бүлеген тәмамлаган (1957).

«Атом-төшенең төзелеше» темасына физика-математика фәннәре кандидатлыгына диссертация (фәнни җитәкчесе В.Г. Соловьев, Дубна) (1967), «Әйләнешнең атом төшенә тәэсире» темасына докторлык диссертациясе (1982) яклаган.

Хезмәт юлы

• 1957 Ташкәнттә яңа ачылган атом-төш институтында эшли башлый.
• 1969-1991 Сәмәрканд дәүләт университетында укыта, 1969-1975 теоретик физика кафедрасы мөдире, 1982 елдан профессор.
• 1991 елдан Казан дәүләт педагогика университетының гомуми физика кафедрасы профессоры.
• 2012 елга кадәр КФУ профессоры.

Шәкертләре

Үзбәкстан тарихында беренче булып атом-төш физикасы буенча махсуслашуны башлап җибәрә. Сәмәркандта кафедра мөдире булганда 10 шәкерте кандидатлык, 4 шәкерте физика-математика фәннәре докторлыгына диссертация (алар сафында Рәшит Низаметдинов бар) яклаган.

Хезмәтләре

150 дән артык фәнни хезмәте, дәреслекләре дөнья күргән.

Казанда басылган

• Сәфәров Р.Х. Атом төше һәм элементар кисәкчәләр физикасы. Казан, 2008 (рус.).

Кызыклы факт

Үзбәкстан ССР КП ҮК беренче сәркатибе Ш.Р. Рәшидовның 2 киявен физика-математика фәннәре докторы итәр өчен күп көч түгәргә туры килә, диссертация яклау чиратын аларга бирә.

Әдәбият

1. Хәмзә Бәдретдинов. Татарстаннан читтәге татар галимнәре. 1- китап. Йошкар-Ола: Мари ПНК, 1999 ISBN 5-87898-139-4

Сылтамалар

• Казан федераль университеты сайты 2016 елның 5 март көнендә архивланган.