Рамнавами
Рам(а)на́вами (санскр. राम नवमी, санскр. (IAST) Rāmanavamī) — Һинд диненең бәйрәме, аның барышында Рама килүе бәйрәм ителә - бу Айодхьяның риваять борынгы Һиндстан шаһзадәсе булган, ул Һинд динендә Вишнуның аватары буларак хөрмәт ителә.[1][2][3] Рама-навами Һинд дине ай календареның Наваратри фестиваленың соңгы, тугызынчы көнендә бәйрәм ителә, шукла-пакши көнендә - Һинд дине ай календаре буенча Чайтра аеның якты яртысының тугызынчы көнендә. Кайбер төбәкләрдә бәйрәм итү тугыз көн бара, алар Рама-наваратра дип атала.[4][5]
Раманавами көнендә "Рамаяна" яки "Рамачаритаманаса" декламациясе була, Рама, Сита һәм Хануман данына бхаджаннар һәм киртаннар җырлана, ә фестивальның соңында пуджа һәм аратидан соң прасада өләшелә. Бәйрәм өчен бизгәлгән Һинд дине гыйбадәтханәләрендә Веда мантралар җырлау белән барган махсус яджналар һәм чәчәкләр һәм җимешләр тәкъдим итүләр була. Бу көндә Кояш калыкканнан бирле ашамыйча торалар, шуннан соң бәйрәмнең кульминациясе була.[1][6][7] Көньяк Һиндстанда, бу көндә Рама һәм Ситаның өйләнүе бәйрәм ителә, гыйбадәтханәләрдә рухи гаиләнең өйләнүенең купшы ритуалы үткәрелә, ул Ситарама-кальянам дип атала һәм Рама исемнәре киртаны белән бергә бара.[8][9]
Иң купшы итеп, фестиваль Рама тормышы белән бәйле урыннарда бәйрәм ителә: Уттар-Прадешта Айодхьяда, Андхра-Прадешта Бхадрачаламда һәм Тамилнадта Рамешварамда. Рама-навами көнендә шулай ук Шобха-ятралар үткәрелә, Сита, Лакшман һәм Хануман муртилары арбалары белән процессиялар алып барыла.[1][10][11] Айодхьяда бу көндә меңнәрчә кешеләр Сараю изге елгасында коеналар.[12]
Казанда бәйрәм итү
үзгәртүКазанда Юдино бистәсендәге ИСККОН Кришна гыйбадәтханәсендә Рамнавами үткәрелгән. Киртан, лекция, мәдәни программа, маха-киртан, вегетариан табын булган.
Искәрмәләр
үзгәртү- ↑ 1,0 1,1 1,2 Ram Navami BBC.
- ↑ .
- ↑ [http://cities.expressindia.com/fullstory.php?newsid=175953 Тугыз көн Навратри фестиваленнан соң Рамнавамига китерә, анда бхаджаннар, киртаннар була. Indian Express, Friday , March 31, 2006.
- ↑ Sri Ram Navami Hindu and Muhammadan festivals, by John Murdoch. Published by Asian Educational Services, 1991. ISBN 8120607082. Page 47 .
- ↑ Ram Navami, archived from the original on 2009-04-07, retrieved 2018-03-25
- ↑ Ramnavami. Портал правительства Индии.
- ↑ Ramnavami The Times of India, Apr 2, 2009.
- ↑ Gaiety marks celestial wedding in Bhadrachalam 2012 елның 4 ноябрь көнендә архивланган. The Hindu, Saturday, Apr 08, 2006.
- ↑ Thousands witness Sitarama kalyanam 2009 елның 8 апрель көнендә архивланган. The Hindu, Saturday, Apr 08, 2006.
- ↑ On Ram Navami, we celebrate our love for the ideal Indian Express, Monday , March 31, 2003.
- ↑ Shobha yatra on Ram Navami eve 2009 елның 7 апрель көнендә архивланган. Indian Express, Thursday, March 25, 1999.
- ↑ At Ayodhya, Ram Navami celebrated amid religious harmony 2009 елның 7 апрель көнендә архивланган. Indian Express, Apr 15, 2008.