Рамил Рамазанов
Рамил Рамазанов, Рамил Миргаяз улы Рамазанов (1979 елның 9 феврале, СССР, РСФСР, ТАССР, Сарман районы, Сарман ) ― юрист, Россия Федерациясе Югары Суды каршындагы Суд департаментының ТР буенча идарәсе башлыгы урынбасары – коррупциягә каршы тору мәсьәләләре бүлеге башлыгы (2015 елдан). Россия дәүләт гадел хөкем университетының Казан филиалы Җинаять-хокук дисциплиналары кафедрасының өлкән укытучысы. Татарстан Республикасының Атказанган юристы (2018). 1нче класслы юстиция киңәшчесе. Юридик фәннәр кандидаты (2022). Россия юристлар ассоциациясе әгъзасы (2022 елдан).
| Рамил Рамазанов | |
|---|---|
 | |
| Туган телдә исем | Рамил Миргаяз улы Рамазанов |
| Туган | 9 февраль 1979 (45 яшь) СССР, РСФСР, ТАССР, Сарман районы , Сарман |
| Милләт | татар |
| Ватандашлыгы |  СССР РФ |
| Әлма-матер | РФ ЭЭМ Казан юридик институты һәм Казан дәүләт финанс һәм икътисад институты |
| Һөнәре | юрист |
| Бүләк һәм премияләре |     |
| Гыйльми дәрәҗә: | юридик фәннәр нәмзәте[d] (2022) |
Тәрҗемәи хәле
үзгәртү1979 елның 9 февралендә Татарстан АССР Сарман районы үзәге Сарман авылында туган. Район үзәге урта мәктәбен [1], Россия Эчке эшләр министрлыгының Казан юридик институтын (2000), Казан дәүләт финанс-икътисад институтын (2005) тәмамлаган. 2022 елда юридик фәннәр кандидатлыгына диссертация яклаган. Диссертация темасы: «Җинаять процессында катнашучыларның иминлеген тәэмин итү буенча суд эшчәнлеге» (рус. Деятельность суда по обеспечению безопасности участников уголовного процесса)[2].
Хезмәт юлы
үзгәртү1996 елдан 2002 елга кадәр эчке эшләр органнарында хезмәт итә.
2002―2005 елларда ― Федераль салым хезмәтенең ТР буенча идарәсендә дәүләт салым инспекторы, әйдәп баручы белгеч, бүлек башлыгы урынбасары.
2005―2010 елларда ― ТР Президенты эшләре идарәсендә баш референт, баш киңәшче.
2010 елдан 2013 елга кадәр ― ТР Дәүләт киңәшчесе секретариатының баш киңәшчесе.
2013―2015 елларда ― Россия Федерациясе Югары Суды каршындагы Суд департаментының ТР буенча идарәсе башлыгы урынбасары, 2015 елның февраленнән ― идарә башлыгы урынбасары ― коррупциягә каршы тору мәсьәләләре бүлеге башлыгы.
Россия дәүләт гадел хөкем университеты[d] Казан филиалы Җинаять-хокук дисциплиналары кафедрасының өлкән укытучысы[3].
Бүләкләре, мактаулы исемнәре
үзгәртү- 2005 ― Казанның 1000 еллыгы истәлегенә медале
- 2016 ― ТР Президентының Рәхмәте (2016) [4]
- 2018 ― Татарстан Республикасының Атказанган юристы [5]
- 2021 ― «ТАССР төзелүгә 100 ел» медале
- 2024 ― «Татарстан Республикасы алдындагы казанышлар өчен» ордены медале[6]
Шәхси тормышы
үзгәртүӨйләнгән, өч баласы бар[7].
Искәрмәләр
үзгәртү- ↑ Сармановская средняя школа гордится своими выпускниками и радуется их успехам. Сармановская СОШ ВКонтакте, 11.11.2023
- ↑ Диссертация на тему «Деятельность суда по обеспечению безопасности участников уголовного процесса»
- ↑ Рамазанов Рамиль Миргаязович. Профессорско-преподавательский состав - РГУП Казань(рус.)
- ↑ Признание заслуг. «Республика Татарстан», 25.02.2016
- ↑ Поздравляем!(үле сылтама) Портал муниципальных образований РТ, 28.02.2018(рус.)
- ↑ Дәүләт бүләге якташыбызга тапшырылды. 2023 елның 28 апрель көнендә архивланган. Сарман муниципаль районы, 28.02.2024
- ↑ Заместитель начальника Управления - начальник отдела. Управление Судебного департамента в Республике Татарстан
Сылтамалар
үзгәртү- Рамазанов Рамиль Миргаязович. Татцентр.ру(рус.)
- Заместитель начальника Управления - начальник отдела. Управление Судебного департамента в Республике Татарстан(рус.)