Рамазан мәчете (Яр Чаллы)

«Рамазан» мәчете — Яр Чаллыда Яңа шәһәрдә 2007 елның сентябрендә ачылган мөселман гыйбадәтханәсе (мәчет). Манарасы мәчетнең түбәсендә урнаштырылган мәчетләр төренә керә.
Мәчетнең имамы — Рәфкать хәзрәт (Харрасов).

Рамазан мәчете
Дәүләт	Россия

Мәчет
«Рамазан» мәчете
Чаллының «Рамазан» мәчете Чаллының «Рамазан» мәчете
Ил	Татарстан
Шәһәр	Яр Чаллы Касыймов бульвары, 17нче йорт
Дин	Ислам
Кайсы дини агымга карый	хәнәфи
Бина төре	мәчет
Төзелеш еллары	1997 ел—2008 ел
Халәте	гамәлдә

Адресы: Яңа шәһәр, 39 комплекс, 11а (Касыймов бульвары, 17).

Бина

Мәчет өч катлы итеп, кирпечтән төзелгән. Өске катларга тыштан тимер баскыч алып менә. Беренче катында «Хәләл» азык-төлек кибете ачылган.
Мәчетнең намаз уку залы 100 кешегә исәпләнгән.
Мәчет янында 50 кешелек мәдрәсә урнашкан.

Тарих

1997 елда рамазан аенда башланган төзелеш 10 ел буе диндарлардан һәм хәйриячеләрдән кергән акчага бара. 2007 елның сентябрендә төзелеп бетә.

Ачылу

Мәчетне ачу тантанасында Васил Шәйхразыев (Чаллы мэры), Госман Исхакый (мөфти, ТР ДУМ рәисе), Әлфәс хәзрәт Гайфуллин (Чаллы мөхтәсибе), Уел Хөсәенов («Челныводоканал» ЯАҖ генераль директоры), Вәсил Каюмов («КамАЗ» ААҖ генераль директоры урынбасары) катнашалар.

Чыганаклар

• «Рамазан»ны төзедек, чиратта — җәмигъ мәчете

Сылтамалар

Яр Чаллының истәлекле урыннары
Чаллы туграсы