Төп менюны ачу

Павел Грудинин, Павел Николай улы Грудинин (рус. Павел Николаевич Грудинин, 1960 елның 20 октябре, ССРБ, Мәскәү) — РФ авыл хуҗалыгын оештыручысы, сәяси эшлеклесе, Мәскәү өлкәсе Ленин районы «Ленин исемендәге совхоз» ЯАҖ директоры. РФ атказанган авыл хуҗалыгы хезмәткәре (2001). 2018 елгы РФ президентын сайлауларда КПРФ фиркасеннән намзәт.

Павел Грудинин
Pavel Grudinin (2018-10-24).jpg
Туган телдә исем Павел Николай улы Грудинин
Туган 20 октябрь 1960(1960-10-20) (58 яшь)
ССРБ, Мәскәү
Милләт урысяһүд[1]
Ватандашлыгы ССРБFlag of the Soviet Union.svg ССРБ
Русия байрагы РФ
Әлма-матер Мәскәү дәүләт агромөһәндислек институты[d] һәм Русия дәүләт хезмәте академиясе[d]
Һөнәре мөһәндис-механик, совхоз директоры
Сәяси фирка Единство[d], Бердәм Русия һәм фиркасез[d]
Балалар ике улы, ике кызы
Сайт http://grudininkprf.ru/

Commons-logo.svg Павел Грудинин Викиҗыентыкта

Тәрҗемәи хәлеҮзгәртү

 
Павел Грудинин

1960 елның 20 октябрендә Мәскәү шәһәрендә туган. Бер елдан гаиләсе Мәскәү өлкәсе Ленин районына күченә. Развилково урта мәктәбен (1977), «мөһәндис-механик» белгечлеге буенча В. П. Горячкин исемендәге Мәскәү авыл хуҗалыгы җитештерүе инженерлары институтын (1982), «юриспруденция» белгечлеге буенча Русия халык хуҗалыгы һәм дәүләт хезмәте академиясенең юридик факультетын (2001) тәмамлаган.

Хезмәт юлыҮзгәртү

1982-1989 елларда Мәскәү өлкәсе Ленин районы Ленин исемендәге совхозның механика остаханәсе мөдире, 1989-1995 елларда әлеге совхозның директоры урынбасары, 1995 елдан «Ленин исемендәге совхоз» ЯАҖ директоры[2].

Сәяси эшчәнлегеҮзгәртү

1997 елдан башлап, Мәскәү өлкә шурасы депутаты булып сайлана һәм 14 ел шунда эшли.

2017 елдан Мәскәү өлкәсе Видное шәһәре депутатлар шурасы рәисе.

2010 елда Бердәм Русия фиркасеннән чыга.

П. Грудинин хакимият адресына әйткән, бигрәк тә 2015 елда узган Мәскәү икътисади форумында яңгыраткан каты тәнкыйть сүзләре белән таныла. РФ икътисадының үсеш юлларын шәхси секторны турыдын-туры финанслауда, фермер хуҗалыкларына ярдәм итүдә күрә. Үрнәккә базар элементлары социализм идеяләре белән ярашып яшәүче Финляндия, Швеция икътисадларын китерә.

Сайлаулар-2018Үзгәртү

КПРФның 2017 елның 23 декабрендә узган XVII съездында 2018 елның 18 мартында узучы РФ президентын сайлауларда КПРФ фиркасе әгъзасы булмаган П. Грудинин КПРФ намзәте итеп күрсәтелде.

Гаилә хәлеҮзгәртү

Өйләнгән, ике улы (берсе ресторан бизнесында, икенчесе «Ленин исемендәге совхоз» ЯАҖ аренда бүлеге башлыгы), ике кызы бар.

Бүләкләре, мактаулы исемнәреҮзгәртү

  • 2001 РФ атказанган авыл хуҗалыгы хезмәткәре

СылтамаларҮзгәртү

ИскәрмәләрҮзгәртү

  1. Әтисе — урыс, әнисе — яһүдә
  2. «Ленин исемендәге совхоз» ЯАҖ сайты