Нәүрүз Мәммәдов
.svg){kind=small}
Нәүрүз Исмаил улы Мәммәдов (1947 елның 15 марты, Шихмәхмүд авылы, Азәрбайҗан ССР) — Азәрбайҗан дәүләт һәм сәяси эшлеклесе, Азәрбайҗан премьер-министры (2018 елның 21 апреле — 2019 елның 8 октябре)[1], Азәрбайҗан телләр университеты проректоры[2].
| Нәүрүз Мәммәдов | |
|---|---|
 | |
| Туган телдә исем | әзери. Novruz İsmayıl oğlu Məmmədov |
| Туган | 15 март 1947 (77 яшь) Шыхмаһмуд, Бабекский район[d], Нахчыван Айрат Сәвит Сатсиялислар Җөмһүрияте[d], Азәрбайҗан Совет Социалистик Республикасы, СССР |
| Ватандашлыгы |  СССР Әзербайҗан |
| Әлма-матер | Азербайджанский университет языков[d] |
| Һөнәре | телбелгеч, сәясәтче, дипломат |
| Сәяси фирка | Советлар Берлеге коммунистик фиркасе, Партия национальной независимости Азербайджана[d] һәм Яңа Азәрбайҗан[d] |
| Гыйльми дәрәҗә: | филология фәннәре кандидаты[d] |
Тормыш юлы үзгәртү
Нәүрүз Мәммәдов 1947 елның 15 мартында Нахчыван АССРның Нахчыван районы Шихмәхмүд авылында туа. Мәктәпне 1964 елда тәмамлап, Азәрбайҗан педагогика институтының «Европа телләре» факультетының француз теле бүлегенә укырга керә. 1967—1968 елларда Әлҗәзаирда, 1971—1973 елларда — Гвинеяда, 1978—1981 елларда яңадан Әлҗәзаирда тәрҗемәче һәм өлкән тәрҗемәче булып эшли. 1991 елда диссертация яклап, Нәүрүз Мәммәдов филология фәннәре кандидаты гыйльми дәрәҗәсен ала. 1992—1993 елларда Нәүрүз Мәммәдов Азәрбайҗан педагогика институтының чит телләр институтының әзерлек факультеты деканы, 1993—1997 елларда француз теле факультеты деканы булып эшли. 1997 елның 12 апрелендә Азәрбайҗан президенты администрациясенең тышкы элемтәләр бүлеге мөдире вазыйфасына билгеләнә.
2002 елның гыйнварында Азәрбайҗан президенты указы белән аңа гадәттән тыш һәм тулы вәкаләтле илче рангы бирелә. 2005 елның сентябреннән — Азәрбайҗанның ЮНЕСКО буенча Милли комиссиясе әгъзасы.
2017 елның 1 июненнән — Азәрбайҗан президентының тышкы сәясәт мәсьәләләре буенча ярдәмчесе-бүлек мөдире.
2018 елның 21 апрелендә Азәрбайҗанның Милли Мәҗлесе Азәрбайҗан премьер-министры вазифасында Нәүрүз Мәммәдов кандидатурасын раслый[3]. Шул ук көнне Азәрбайҗан Республикасы Президенты боерыгы белән Нәүрүз Мәммәдов премьер-министр итеп билгеләнә[4]. 2019 елның 8 октябрендә премьер-министр вазыйфасыннан отставкага китә.
2019 елның 19 ноябрендә Нәүрүз Мәммәдов Азәрбайҗан телләр университетының фәнни эш буенча проректоры итеп билгеләнә
Бүләкләр үзгәртү
1998 елда азәрбайҗан-француз дустанә элемтәләрне ныгытудагы казанышлары өчен Нәүрүз Мәммәдов Мактаулы Легион ордены белән бүләкләнә.
2007 елда Азәрбайҗан президенты Илһам Әлиев боерыгы белән Нәүрүз Мәммәдов «Шохрат» ордены белән бүләкләнә[5].
2009 елда Азәрбайҗан-Польша мөнәсәбәтләрен үстерү өлкәсендәге казанышлары өчен Польша Республикасы алдындагы казанышлары өчен орденга лаек була. 2017 елның 13 мартында Азәрбайҗан Президенты Илһам Әлиев боерыгы белән «Шәрәф» ордены белән бүләкләнә[6].
2019 елның 29 июлендә Франция Республикасы президенты Указы белән Франциянең офицер дәрәҗәдәге «Мактаулы Легион» ордены белән бүләкләнә[7].
Шәхси тормыш үзгәртү
Өйләнгән, өч баласы бар.
Искәрмәләр үзгәртү
- ↑ Премьер-министр Азербайджана написал заявление об уходе с должности. Sputnik Азербайджан. 2019-10-08 тикшерелгән.
- ↑ 1news. Новруз Мамедов назначен на новую должность. 1news.az. 2019-11-19 тикшерелгән.
- ↑ Милли Меджлис дал согласие на назначение Новруза Мамедова на должность премьер-министра Азербайджана
- ↑ Распоряжение Президента Азербайджанской Республики о назначении Новруза Mамедова Премьер-министром Азербайджанской Республики
- ↑ Новруз Мамедов награжден орденом «Шохрат», archived from the original on 2018-06-22, retrieved 2021-07-24
- ↑ Новруз Мамедов награжден орденом "Шараф"
- ↑ Премьер-министр Новруз Мамедов награжден орденом Почетного легиона Франции. azertag.az. 2019-08-01 тикшерелгән.