Төп менюны ачу

Мөхәммәт Миначев

Татар җәмәгать эшлеклесе, язучы, һәвәскәр тарихчы

Мөхәммәт Миначев (Мөхәммәт (Евгений) Минач улы Миначев, 20 март 1938(1938-03-20), Яндавишча, Кызыл Үктәбер районы, Түбән Новгород өлкәсе, РСФСҖ, ССҖБ11 февраль 2018(2018-02-11) (79 яшь), Мәскәү, Русия) — татар милли хәрәкәте эшлеклесе, язучы, газета мөхәррире, «Ватан» фиркасе рәисе (1994-2010).

Мөхәммәт Миначев
Туган телдә исем Mɵxəmmət Minac ulь Minacef
Мөхәммәт Минач улы Миначев
тат. Möxämmät Minaç uğlı Minaçef
Туган 20 март 1938(1938-03-20)
Яндавишча, Кызыл Үктәбер районы, Түбән Новгород өлкәсе, РСФСҖ, ССҖБ
Үлгән 11 февраль 2018(2018-02-11) (79 яшь)
Мәскәү, Русия
Үлем сәбәбе инсүлт[1]
Яшәгән урын Ленин проспекты[d], Мәскәү[2]
Эш бирүче Мәскәү Метрострое[d]

Тәрҗемәи хәлҮзгәртү

Мөхәммәт Миначев башкалада Бөек Ватан сугышыннан соң беренче Сабан туен (1987 ел) оештырган җәмәгать эшлеклесе. Ул 1970 нче еллардан башлап Мәскәү татарлары арасында мәгърифәтчелек эшчәнлеге алып барган. Мәскәүдә татар язучылары белән очрашулар оештырган олы шәхес.

Мәскәү каласында озак еллардан бирле татар милли тормышында актив катнаша. 1979-82 елларда «Маяк» мәдәният йортында татар сәнгать үзешчәнлеген алып бара.

Татар милләтенең күренекле шагыйрь, язучыларына багышланган чаралар оештыра. 1985-86 елларда Г.Тукай, Ф.Әмирхан, М.Галәү, М.Акъегетзадә иҗатларына багышланган кичәләр оештыра. 1988 елда "Туган тел"[3] татар мәдәниятен яратучылар оешмасына нигез сала, беренче рәисе була.

«Туган тел» оешмасы 1988 елда Мәскәү хакимиятеннән таләп итеп, балалар бакчаларында аерым төркемнәр, мәктәпләрдә татар сыйныфлары ачылуына ирешә. Активистлар В.Садур, Д.Гыйззәтуллин белән ата-аналар арасында балаларны җәлеп итү буенча зур эш башкара.

Казанда БТИҮ корылтайларында Мәскәү татарлары вәкиле буларак катнаша.

1989-1994 елларда «Ватан» исемле мәгълүмат сәхифәсен, аннары шул исемле гәзит чыгара.

Милләткә кагылышлы хезмәтләре белән танылган. Борынгы татарлар тарихын пропагандалаучы була. Мәскәүдә татар телен, Татарстан мөстәкыйльлеген яклап пикетлар, митинглар оештыручы.


2018 елның 11 февральдә инсульттан вафат булды.[4]

ХезмәтләрҮзгәртү

  • Миначев М. Авылларга барган идем... — М., 2007. — 138 бит. 500 экз.
  • Топонимический словарь Мещёры / Мохаммят Миначев. — М., 2014. — 245, [2] с.

СылтамаларҮзгәртү

ИскәрмәләрҮзгәртү