Мәдинә (мәчет, Дим районы, Уфа)
.svg){kind=small}
Уфаның Инорс микрорайонындагы Мәдинә мәчете белән бутамагыз
| Мәчет | |
.jpg) | |
| Ил | Россия |
| Шәһәр | 450096,  Башкортстан, Уфа, Дим районы, Гатчина ур., 1
|
| Координатлары | 54°42′02″N, 55°49′00″E |
| Дин | Ислам |
| Мәхәллә | ҮДН 504нче мәхәллә |
| Кайсы дини агымга карый | сөнни ислам / хәнәфи мәзһәбе |
| Бина төре | манарасы түбәсендә урнашкан мәчет |
| Төзелеш еллары | 2010 ел—2013 ел |
| Төп даталар: 2010 ел – төзелеш башланган
2013 ел – мәчет ачылган | |
| Халәте | гамәлдә |
Мәдинә мәчете (баш. Мәҙинә мәсете) ― Башкортстан башкаласы Уфа шәһәренең Дим районында урнашкан ислам гыйбадәтханәсе (җәмигъ мәчете). Үзәк Диния нәзарәте составындагы «Уфа шәһәренең Дим районы 504нче мәхәллә» җирле мөселман дини оешмасы карамагында[1].
 Тышкы рәсемнәр
| |
|---|---|
|
Мәчет бинасы һәм интерьеры фотосурәтләре. |
Тарих
үзгәртүУфаның Дим районында зур булмаган район мәчете (Мусоргский ур., 48) генә булган, ул барлык мөселманнарны сыйдыра алмый башлаган. Шуңа күрә яңа мәчет төзү мәсьәләсе күтәрелә. Мәчет Дим районының шәхси секторында «Баланово» паркы янәшәсендә буш яткан җирдә төзелгән[2].
Мәчет нигезенә беренче таш 2010 елның көзендә салына. 2013 елның октябрендә мәчет ачыла. Бу өч ел дәвамында гыйбадәтханә дин тотучылардан кергән һәм җәлеп ителгән акчалар хисабына төзелгән. Аның төзелешенә мәчетнең Попечительләр советы рәисе, «Дортрансстрой» ҖЧҖ Директорлар советы рәисе Марат Латыйпов зур өлеш керткән[2].
Мәчетне ачу тантанасы Ырынбур мөселман диния нәзарәте (Россия мөселманнарының Үзәк Диния нәзарәте) оешуга 225 ел тулуга багышланган тантаналы чаралар кысаларында узган[3]. Тантанада югары мөфти шәйхелислам Тәлгать Таҗетдин, Стамбул шәһәре мөфтие Рахми Яран, Индонезиянең дини эшләр министры Сурадхорм Али, 57 илне берләштерүче Халыкара ислам ризалыгы оешмасы рәисе Хәмит Ирен һәм башкалар катнашкан [3].
Җитәкчелек
үзгәртүТасвирлама
үзгәртүГыйбадәтханәнең иң биек манарасы белән гомуми биеклеге – 51 метр. Аның барлыгы 4 манарасы бар, иң биеге 10 м тәшкил итә, ярымайлы биек шпиле Дим микрорайонының теләсә кайсы почмагыннан диярлек күренә. Мәчет төзелеше өчен материал булып «Бессер» блоклары хезмәт иткән.
Мәчетнең сыйдырышлыгы ― 800 кеше. Бина эчке бизәлеше белән аерылып тора. Мәчетне бизәү эшендә Сәмәрканд рәссамнары, Мисыр агач уемчылары, шулай ук җирле осталар катнашкан. Агачтан уемнар һәм диварлардагы гарәп язулы Коръән аятьләре яшь оста Юныс Хәйруллин кулы белән ясалган[2].
Моны да карагыз
үзгәртүУфаның Калинин районы Инорс микрорайонында 2015 елда ачылган «Мәдинә» мәчете турында: [5]
Искәрмәләр
үзгәртү- ↑ Местная мусульманская религиозная организация Махалля №504 Демского района г. Уфы. Религии Башкортостана(рус.)
- ↑ 2,0 2,1 2,2 В Уфе открылась новая мечеть. Официальный сайт Администрации городского округа город Уфа, 21.10.2013(рус.)
- ↑ 3,0 3,1 В Демском районе Уфы открылась мечеть «Мадина». ЦДУМ РФ, 21.10.2013(рус.)
- ↑ Мечеть Мадина г.Уфа Демский район ВКонтакте
- ↑ Гульназира Биишева. В Уфе открылась новая мечеть «Мадина». 2022 елның 24 июль көнендә архивланган. prufy.ru, 13.04.2015(рус.)
Сылтамалар
үзгәртү- В Демском районе Уфы открылась мечеть «Мадина» (2013-10-21). 2015-03-23 тикшерелгән.
- Рамиля Саляхова (2013-10-21). Новая мечеть открылась в Уфе в рамках празднования 225-летия ЦДУМ. РИА Новости. 2015-03-23 тикшерелгән.
- Арина Рахимкулова (2013-10-21). В Демском районе Уфы открылась новая мечеть «Мадина». Башинформ.рф. 2015-03-23 тикшерелгән.
- Мечеть «Мадина» открылась в Демском районе Уфы. ФедералПресс (2013-10-21). 2015-03-23 тикшерелгән.
- В УФЕ ОТКРЫЛАСЬ НОВАЯ МЕЧЕТЬ — «МАДИНА». Уфа-Гид (2013-10-21). 2015-03-23 тикшерелгән.
- Ценности ислама. Группа компаний «Дортрансстрой». әлеге чыганактан 2015-04-02 архивланды. 2015-03-23 тикшерелгән.