Мирас Иделбаев

Мирас Иделбаев (Мирас Хәмзә улы Иделбаев, баш. Мирас Хәмзә улы Иҙелбаев) – язучы, галим. Филология фәннәре докторы (2001). БР атказанган мәгариф хезмәткәре (1995). Р.Гарипов премиясе лауреаты (2006). Профессор.

Мирас Иделбаев Мирас Иҙелбаев
Мирас Иделбаев
Тугач бирелгән исеме:	Мирас Хәмзә улы Иделбаев
Туу датасы:	9 декабрь 1945(1945-12-09) (79 яшь)
Туу урыны:	Баймак районы, Ишбирде авылы
Ватандашлык:	РСФСР РСФСР→ ССРБ ССРБ→ Россия Россия
Эшчәнлек төре:	язучы
Иҗат итү еллары:	1984-хәзергәчә
Юнәлеш:	проза
Жанр:	роман, повесть, хикәя
Иҗат итү теле:	башкорт теле
Дебют:	«Сынау» (1984)
Премияләр:	Р.Гарипов премиясе (2006)

Тәрҗемәи хәле

1945 елның 9 декабрендә БАССР Баймак районы Ишбирде авылында туган. Уфада дәүләт университетын (1970) тәмамлаган. 1970 елдан Сибайда: радиокомитетның Урал арты буенча үз хәбәрчесе, комсомолның Сибай шәһәр комитеты бүлек мөдире (1973). 1974 елдан Уфада: «Башҡортостан уҡытыусыһы» (Башкортстан укытучысы) журналында (1974-1977), тарих, тел һәм әдәбият институтында (1977-1983), БДУ да (1983 елдан) эшли. «Башкорт тел системасында авыз иҗаты» темасына филология фәннәре докторы (2001) диссертациясен яклый.

Иҗаты

«Идел-йорт» китабы (2014)

«Сынау» (1984), «Юлдашлар» (1989) исемле китапларга кергән хикәяләрендә заманның әхлак мәсьәләләрен күтәрә. «Юлай улы Салават» (1994) повестенда С. Юлаев тормышы тасвирлана. «Кызыл карлар», «Декабрь йолдызлары» китаплары, Кобагыш-чәчәнгә багышланган «Идел-йорт» (2014) романы бар.

Фәнни хезмәтләре

250 фәнни хезмәт авторы. Борынгы һәм урта гасырлар төрки әдәбиятлар тарихын, башкорт авыз иҗатын өйрәнә. Башкорт әдәбиятын укыту методикасын һәм теориясен үстерә. «Башкорт әдәбияты тарихы» (1990-1996) автордашы.

Гаиләсе

• Хатыны — Гөлфия Юнысова, шагыйрә, «Башҡортостан ҡыҙы» журналы мөхәррире.
• Улы Урал; көйязар, улы Артур, «Башҡорт йәштәре иттифағы»н оештыручы.

Бүләкләре, мактаулы исемнәре

• Рәми Гарипов премиясе (2006)
• БР атказанган мәгариф хезмәткәре (1995)

ССРБ язучылар берлеге әгъзасы (1987)

Чыганаклар

Совет Башкортстаны язучылары (биобиблиографик белешмәлек). Уфа, 1988.(башк.)

Сылтамалар

• Башкортстан (белешмәлек)(рус.)