Марат Мәһдиев

*Марат Мәһдиев*
Марат Мәһдиев
Туган телдә исем	Марат Фаикъ улы Мәһдиев
Туган	26 июль 1952 (72 яшь); Татарстан, Бөгелмә
Милләт	татар
Ватандашлыгы	ССРБ→; Россия
Әлма-матер	Казан (Идел буе) федераль университеты
Һөнәре	инженер-геолог
Сәяси фирка	ЛДПР[d]
Җефет	Людмила Виктор кызы, тау инженеры
Балалар	кызлары Эльвира (1974), табиб; Юлия (1986)
Ата-ана	Фаикъ Хәниф улы, геолог, сугыш ветераны (әти); Фрагия Зәки кызы (әни);
Бүләк һәм премияләре	; 2 дәрәҗә "Ватан алдында казанышлары өчен" орденыКазанның 1000 еллыгы истәлегенә медале

Марат Мәһдиев (Марат Фаикъ улы Мәһдиев) – дәүләт хезмәткәре, инженер-геолог, IV чакырылыш Россия Дәүләт думасы депутаты.

Бу терминның башка аңлатмалары да бар, аларны карау өчен Мәһдиев битенә күчегез.

Тәрҗемәи хәле

1952 елның 26 июлендә Бөгелмәдә туган. Казан дәүләт университетын «нефть һәм газ ятмалары геологиясе һәм разведкасы» белгечлеге буенча тәмамлаган (1974).

1974-1981 «Татнефть» ҖБ (Азнакай) «Актүбәнефть» идарәсендә оператор, геолог, өлкән геолог.
1981-1983 КПСС Азнакай райкомы сәнәгать-транспорт бүлеге инструкторы.
1983-1987 «Актүбәнефть» идарәсе профсоюз комитеты рәисе.^[1]
1987-2000 «Татнефть» ҖБ фирка комитеты сәркатибе урынбасары (1989 профком рәисе).
2000-2002 Татарстан Дәүләт Шурасы президиумы әгъзасы, парламент назарияте комитеты рәисе (Казан).
2002-2003 Татарстан Дәүләт Шурасы рәисе урынбасары.
2003 РФ ФҖ IV чакырылыш дәүләт думасы депутаты (бер мандатлы Әлмәт округыннан).
2004 РФ ФҖ дәүләт думасының федерация һәм регионнар сәясәте комитеты әгъзасы.
«Бердәм Россия» фиркасенең үзәк контроль-назарият комиссиясе әгъзасы.
Татарстанның экология һәм табигый ресурслары министры беренче урынбасары.
Татарстан геология һәм эзләү идарәсе башлыгы урынбасары.^[2]

Татарстанда күкрәк рагын белү һәм профилактика үткәрү буенча «Алсу тасма якада» акциясен оештыручыларның берсе.
Татарстанда җирле үзидарәне үстерү буенча даими эшләү.
Татарстан бюджетын рациональ тоту эшенә сизелерлек өлеш кертү.
Федераль үзәк һәм регионнар арасында үзара кабул итәрдәй карарлар чыгару турында кануннар эшләү.
Татарстан фехтование федерациясе президенты (2014 елга кадәр)^[3]
Наилә Гыйләҗева (Олимпиада чемпионы) призына фехтование буенча халыкара турнир оештыру.

Дуслык ордены
II дәрәҗә Ватан алдындагы хезмәтләр өчен орденының медале
«Казанның меңьеллыгы хөрмәтенә» медале
Россиянең бәйсез профсоюзлары федерациясенең «Профсоюзда актив эшчәнлек өчен» тамгасы
РФ Минтопэнерго мактау кәгазе
Татарстанның мактау кәгазе