Лима Букина
Лима Букина, Лима Рәфикъ кызы Букина (1967 елның 26 гыйнвары, СССР, РСФСР, БАССР, Борай районы, Зур Бадрак) ― дизайнер, рәссам-акварелист, «Дизайнерлар берлеге» халыкара иҗтимагый ассоциациясе (2007) һәм Татарстан Рәссамнар берлеге әгъзасы. Яр Чаллыдагы Кама сәнгать һәм дизайн институтының проректоры (2008 елдан), доцент. Практик рәссам, акварель сәнгате һәм флористика буенча күпсанлы мастер-класслар авторы[1].
| Лима Букина | |
|---|---|
 | |
| Туган телдә исем | Лима Рәфикъ кызы Букина |
| Туган | 26 гыйнвар 1967 (57 яшь) СССР, РСФСР, БАССР, Борай районы, Зур Бадрак |
| Милләт | татар |
| Ватандашлыгы |  СССР РФ |
| Һөнәре | рәссам, педагог |
| Балалар | кызы Рузанна |
| Сайт | Картины Лимы Букиной |
Тәрҗемәи хәле
үзгәртү1967 елның 16 гыйнварында БАССР Борай районы Зур Бадрак авылында туган. 1969 елдан гаиләсе Кызыл Кама районы үзәге Николо-Берёзовка бистәсендә яшәгән. Нефтекамскидагы балалар сынлы сәнгать мәктәбендә белем алган. 1984 елда Алабуга дәүләт педагогика институтының Чаллыдагы филиалына (1990 елдан Яр Чаллы дәүләт педагогика университеты) укырга кергән.
Югары уку йортын тәмамлагач, Чаллы дәүләт педагогика институтының (ЧДПИ) «Сынлы сәнгать һәм сызым укыту методикасы» кафедрасында эшли башлый. ЧДПИ студентларына рәсем, сынлы сәнгать, гамәли сәнгать, махсус методика укыта.
Лима Рәфикъ кызы Букина Кама сәнгать һәм дизайн институтының 2003 елның 29 гыйнварында ачылган көненнән эшли башлаган укытучыларның берсе[2]. 2008 елдан уку эше һәм гомуми мәсьәләләр буенча проректор вазыйфасында [3]. Әлеге институтның «Гуманитар һәм гомуми сәнгать дисциплиналары» кафедрасы доценты, рәсем сәнгате, үзенчәлекле текстиль, декоратив-гамәли стильләштерү дәресләрен алып бара.
Иҗаты
үзгәртү Тышкы рәсемнәр
| |
|---|---|
|
Кайбер хезмәтләре. |
Татарстан Рәссамнар берлеге әгъзасы Лима Рәфикъ кызының иҗаты акварель әсәрләре белән кызыксыну уята. Педагог буларак, үзе яраткан акварель жанры һәм флористика буенча осталык дәресләре дә үткәрә. Үз әсәрләрен ясау өчен рәссам юеш кәгазьләр сайлап ала, «по-сырому» техникасын куллана. Иҗатында якты кояшлы мохитта сурәтләнгән җиләк-җимешләр, төрле чәчәкләр өстенлек итә. Темалар диапазоны: букетларда, бакчада, болыннардагы чәчәкләр; үзе булган шәһәрләр (мәсәлән, Прага, Венеция) һәм илләр; җиләк-җимеш, десертлар һәм йомшак уенчыклар белән натюрмортлар; кошлар һәм хайваннарның матур образлары һ. б.
Рәссам лессировка[d] ысулын куллана, «a la prima» алымы кулланып иҗат иткән хезмәтләре дә күп.
Төрле дәрәҗәдә уздырылган күргәзмәләрдә, арт-проектларда, пленэрларда даими катнашып килә. Үзенең шәхси күргәзмәләрен оештыра (мәсәлән, Яр Чаллының Энергетик мәдәният сараенда[4], Алабуга дәүләт музей-тыюлыгының күргәзмә залында [5], Әлмәт картиналар галереясында[6] һ.б. урыннарда). Идарә итү структураларыннан һәм коммерцияле булмаган берләшмәләрдән һәм ассоциацияләрдән (республика һәм федераль дәрәҗәдәге) дипломнар һәм Рәхмәт хатлары белән бүләкләнә.
Аның күп кенә эшләре Россиядә һәм чит илләрдә шәхси коллекцияләрдә, музейларда, күргәзмә заллары һәм галереялар запасникларында саклана. Болгарда ислам дине кабул ителүнең 1100 еллыгына багышланган Бөтенроссия пленэры вакытында ясалган бер хезмәте «Казан Кремле» музей-тыюлыгына алынган [7].
Бүләкләре, мактаулы исемнәре
үзгәртү- 2012 ― Россия сынлы сәнгать академиясе[d] Рәхмәт хаты
- 2022 ― Россия сынлы сәнгать академиясе Рәхмәт хаты ― Болгарда ислам дине кабул ителүнең 1100 еллыгына багышланган Бөтенроссия пленэрын оештырган өчен
- Бөтендөнья татар конгрессының Рәхмәт хаты ― милли чараларда актив катнашкан өчен
Гаиләсе
үзгәртүКызы Рузанна, Кама сәнгать һәм дизайн институтының костюм дизайны бүлеген тәмамлаган мода өлкәсе белгече, бохо стилендәге кием коллекцияләрен һәм «премиум-класс» кием–салымнарын иҗат итә. Оныклары Ева, Летиция.
Искәрмәләр
үзгәртү- ↑ 26 гыйнварда талантлы рәссам һәм дизайнер Лима Букина туган көнен – 50 яшьлек юбилеен билгеләп үтте. Шәһри Чаллы, 31.01.2017
- ↑ Новости и сообщения из официальной группы Вконтакте. Камский институт искусств и дизайна(рус.)
- ↑ Руководство. Педагогический (научно-педагогический состав). КИИД
- ↑ Ксения Шулакова. Выставка Лимы Букиной открылась в Челнах (видео). stv-media.ru, 18.01.2017(рус.)
- ↑ Осторожно. Сырая выставка Лимы Букиной: воздушные акварели в Елабуге. РИА Новости, 02.03.2012(рус.)
- ↑ Ольга Степанова, Эдуард Прокопьев. Лима Букина учит альметьевцев рисовать в технике «акварель по-сырому». Альметьевск ТВ, 25.02.2015(рус.)
- ↑ Картины Лимы Букиной ВКонтакте
Әдәбият
үзгәртү- Мәкалә
- Зилә Нигъмәтуллина. Лиманың чәчәкле мохите. «Сөембикә», 2023 ел, № 9, 64-65нче бит.