Илфат Абдуллин
Илфат Абдуллин[1], Илфат Ринат улы Абдуллин (Ильфат Ринатович Абдуллин; 1998 елның 9 гыйнвары, Казакъстан, Алматы өлкәсе, Талдыкорган районы, Караболак) ― казакъстанлы спортчы (җәядән ату). Олимпия уеннарында катнашучы. Җәядән ату буенча Казакъстан Республикасының халыкара класслы спорт мастеры[2].
 Илфат Абдуллин | |
|---|---|
 | |
| Туган телдә исем | Илфат Ринат улы Абдуллин |
| Туган | 9 гыйнвар 1998 (26 яшь) Казакъстан, Алматы өлкәсе, Ескелде районы[d], Караболак |
| Ватандашлыгы |  Казакъстан |
| Һөнәре | спортчы (җәядән ату[d]) |
| Бүләк һәм премияләре |  |
Тәрҗемәи хәле
үзгәртү1998 елның 9 гыйнварында[3] Казакъстанның Алматы (2022 елдан Җидесу) өлкәсе Талдыкорган (2000 елдан Ескелде) районы үзәге Караболак бистәсендә (2016 елдан авыл) татар гаиләсендә туган [4][5]. Әти-әнисе чыгышы белән Татарстаннан һәм Башкортстаннан. Татар һәм казакъ телләрен белә[6]. Югары белемле: Талдыкорганда Алматы өлкәсенең югары спорт осталыгы мәктәбендә дүрт ел укып, аны тәмамлаганнан соң, Җидесу дәүләт университетында укуын читтән торып дәвам итә[7].
Спорт карьерасы
үзгәртүАнталиядә (Төркия) Җәядән ату буенча Дөнья кубогының[d] өченче этабында чыгыш ясаган. Рейтинг раунды нәтиҗәләре буенча, анда Казакъстан укчысы 651 очко җыя һәм 79нчы урынны ала, ул белорус Антон Прилепов[d] белән беренче раундта туры килгән һәм аңа 2:6 оттырган[8].
2017 елда Даккада (Бангладеш) узган Азия чемпионатында Абдуллин 1/32 финал стадиясенә кадәр барып җитә.
2018 елда Джакартада (Индонезия) узган Азия уеннарында[d] Абдуллин дүртенче урынны яулаган. Ярымфиналда ул Ли Ву Сокка[d] (Көньяк Корея), ә бронза медаль өчен көрәштә Риау Сальсабиллага[d] (Индонезия) 2:6 исәбе белән җиңелгән[9]. Шулай ук ул ир-атлар командасы составында бишенче урынны һәм катнаш парлар турнирында тугызынчы урынны алган[3].
Шул ук елны ул Дөнья кубогының өч этабында катнаша: Шанхайда ул шәхси турнирда 57нче һәм катнаш команда составында тугызынчы була, Анталиядә беренче матчларда оттыра һәм шулай ук 57нче була. Иң яхшы нәтиҗәне Берлинда күрсәткән: шәхси турнирда 1/16 финалга кадәр барып җиткән[3].
2019 елда Абдуллин Хертогенбостагы (Нидерланд) Дөнья чемпионатында 1/32 стадиясендә оттыра һәм ир-атлар командасы составында алтынчы урын ала. Шанхайдагы Дөнья кубогында 1/32 финал стадиясендә төшеп кала, Анталиядә 1/16 финалга кадәр барып җитә. Шулай ук Төркиядә ул катнаш парлар турнирында шул ук стадиядә төшеп калган. Бангкокта Азия чемпионатында 1/16 финалга кадәр барып җиткән[3].
2021 елда Илфат Дөнья Кубогында иң яхшы нәтиҗә күрсәтә: Парижда 1/8 финалга кадәр барып җитә. Шулай ук ул катнаш парлар турнирында тугызынчы була. Лозаннадагы этапта 1/32 финал стадиясендә оттырган[3].
Коронавирус пандемиясе аркасында 2021 елга күчерелгән, Токиодагы Җәйге Олимпия уеннарында Санжар Мусаев[d] һәм Денис Ганькин[d] белән ир-атлар команда турнирында җыелма команда составында 1/8 финалда Һиндстан җыелмасына оттырган[3]. Шәхси турнирда 1/8 финалга кадәр барып җитә һәм рәттән атышта британияле Джеймс Вудгейтны[en] һәм нидерландлы Стив Вайлерны[d]ны җиңә[3], кытайлы Цзялунь Лига[d] оттыра[10].
2024 елгы Җәйге Олимпиадада[d] Илфат Абдуллин ялгыз чыгышлар стартында оттырган [11]. Дөнья рейтингында 26нчы урынны биләүче Абдуллинның 1/32 финал стадиясендә көндәше дөнья чемпионатының көмеш призеры Канада укчысы, дөнья топының бишенче номеры Эрик Питерс[d] булган. Беренче сессиядә канадалы җиңгән (28:27). Икенче сессиядә тигез исәп теркәлгән (28:28). Өченче сессиядә укчылар шулай ук тигез бара (29:29). Дүртенче сет Илфат файдасына була (29:28). Бишенче сетта Питерс җиңә (28:26). Йомгаклау исәбе канадалы файдасына ― 6:4, ул 1/8 финалга чыккан[12].
Спорт уңышлары
үзгәртү- Берничә тапкыр Казакъстан Республикасы чемпионатлары һәм кубоклары җиңүчесе һәм призеры
- Халыкара һәм республика турнирларының берничә тапкыр җиңүчесе һәм призеры
- 2019 ― Бангкокта (Таиланд) узган Азия Кубогы җиңүчесе
- 2019 – Голландиядә Дөнья чемпионатының ярымфиналына үтә һәм Токиодагы ХХХІІ Җәйге Олимпия уеннарына юллама ала
- 2020 – Бангкокта (Таиланд) узган Азия Кубогының көмеш призеры
- 2021 – Токио шәһәрендә узган ХХХІІ җәйге Олимпия уеннарында катнашучы
- 2024 – Париж шәһәрендә узган ХХХІІІ җәйге Олимпия уеннарында катнашучы
Искәрмәләр
үзгәртү- ↑ Олимпистер анкетасы.
- ↑ Абдуллин Ильфат Ринатович. Олимпистер анкетасы(казакъ)
- ↑ 3,0 3,1 3,2 3,3 3,4 3,5 3,6 Archery ABDULLIN Ilfat.
- ↑ Гульназ Бадретдин, Айрат Нигматуллин. 27 татар-олимпийцев в Токио: от правнука Галимджана Ибрагимова до сержанта армии США. Бизнес-Онлайн, 23.07.2021(рус.)
- ↑ Ilfat Abdullin. Olympedia
- ↑ Ильфат Абдуллин ― спортсмен, будущий олимпийский чемпион. Вконтакте, 17.08.2021
- ↑ «Тренировки ― это моя свобода». Олимпийская история Ильфата Абдуллина. olympic.kz, 25.02.2020(рус.)
- ↑ Hyundai Archery World Cup - Stage 3 (PDF) pp. page 42.
- ↑ Казахстанский лучник уступил в борьбе за медаль Азиады-2018 (2018-08-28). әлеге чыганактан 2021-07-31 архивланды. 2024-08-12 тикшерелгән.
- ↑ Казахстанский лучник Ильфат Абдуллин нашел объяснение поражению на Олимпиаде-2020.
- ↑ Лион Ерметов. Казахстанские лучники завершили свои выступления на Олимпиаде-2024. nur.kz, 1.08.2024(рус.)
- ↑ Зарина Кусанова. Казахстанский лучник Ильфат Абдуллин завершил выступление на Олимпиаде-2024. nur.kz, 30.07.2024(рус.)
Сылтамалар
үзгәртү- Ilfat Abdullin. Olympedia
- «Тренировки ― это моя свобода». Олимпийская история Ильфата Абдуллина. olympic.kz, 25.02.2020(рус.)
Ruman Shana v Abdullin Ilfat – recurve men gold. Bangkok 2019 Asia Cup leg 1. YouTube видео, 10:48 → Илфат Абдуллин җиңә
