Зузана Чапутова
Зузана Чапутова (словак. Zuzana Čaputová, кыз фамилиясе Страпакова (словак. Strapáková ); 1973 елның 21 июне, Чехословакия, Братислава) — словак адвокаты, җәмәгать эшлеклесе, либерал сәясәтче. 2019 елның мартында узган сайлауларның икенче турында 
Словакия президенты итеп сайланган. 2019 елның 15 июнендә вазыйфасына керешә[2].
| Зузана Чапутова | |
|---|---|
 | |
| Словакия президенты | |
| Вазыйфада 2019 елның 15 июне – 2024 елның 15 июне | |
| Аңа кадәр | Андрей Киска |
| Дәвамчысы | Петер Пеллегрини |
| Шәхси мәгълүмат | |
| Туган | 21 июнь 1973 (51 яшь) Чехословакия, Словакия, Братислава |
| Сәяси фирка | Прогрессив Словакия |
| Җефет | Иван Чапута[d][1] |
| Белем | Коменский университеты |
Тәрҗемәи хәле
үзгәртү1973 елның 21 июнендә Чехословакиянең Братислава шәһәрендә эшче гаиләсендә туган. Пезинок шәһәрендә үскән. 1996 елда Братиславада урнашкан Ян Амос Коменский исемендәге университетның юридик факультетын тәмамлаган. Югары уку йортын тәмамлагач, Пезинок шәһәре җирле үзидарәсенең хокук бүлегендә ярдәмче булып, аннары администрация башлыгы урынбасары булып эшли. 2001—2017 елларда Via Iuris ватандашлар берлегендә эшли, Greenpeace белән хезмәттәшлек итә. Пезинок шәһәрендә чүплек ясатмау өчен көрәшә. 2016 елда Сан-Францискода Goldman экологик премиясе ала.
Үзенең юридик фирмасын ача. Экологиягә багышланган берничә хезмәте бар.
2017 елның декабрендә Прогрессив Словакия социал-либераль фиркасен оештыручыларның берсе була, 2018 елның гыйнварыннан 2019 елның мартына кадәр фирка рәисе урынбасары.
2019 елның мартында узган президент сайлауларда әлеге фиркадән намзәт булып катнаша. 2019 елның 16 мартында узган беренче турда сайлаучыларның 40,57% тавышын җыеп, икенче турга уза. 30 мартта узган икенче турда көндәше булган Европа комиссиясе вице-президенты бәйсез кандидат Марош Шефчовичны, сайлаучыларның 58% : 42% тавышын җыеп, җиңә һәм илнең президенты итеп сайлана. Чехословакия таркалганнан соңгы Словакиянең беренче хатын-кыз президенты.
Гаилә хәле
үзгәртүИре Иван Чапутов белән аерылган. Ике кызы бар.
Искәрмәләр
үзгәртү- ↑ https://www.ktojeto.sk/osobnosti/zuzana-caputova/
- ↑ Марош Шефчович поздравил Зузану Чапутову с победой на выборах президента Словакии. 2019 елның 31 март көнендә архивланган. Новости Mail.ru, 30.03.2019(рус.)
Сылтамалар
үзгәртү- Рәсми сайт (слк.)