Горбангулы Бәрдемөхәммәдов
Горбангулы Бәрдемөхәммәдов, Горбангулы Мәликгулы улы Бәрдемөхәммәдов, төрекм. Gurbanguly Mälikgulyýewiç Berdimuhamedow (1957 елның 29 июне, Төрекмәнстан ССР, Ашхабад өлкәсе) — Төрекмәнстан сәясәтчесе һәм дәүләт эшлеклесе, 2007 елның 14 февраленнән Төрекмәнстан президенты. Икътисад фәннәре докторы (2010), медицина фәннәре докторы (2007), Төрекмәнстан ФА академигы (2009), Төрекмәнстан Кораллы көчләре генералы (2007). Төрекмәнстан Каһарманы (2011). Рәсми булмаган «Милләт лидеры», «Аркадаг» (Яклаучы) титуллары бар.
| Горбангулы Бәрдемөхәммәдов | |
|---|---|
 | |
| 2нче Төрекмәнстан президенты | |
| Вазыйфага керешкән 2007 елның 14 феврале | |
| Аңа кадәр | Сәфәрморат Ниязов, үзе (в.б.) |
| Төрекмәнстан министрлар кабинеты рәисе урынбасары | |
| Вазыйфада 2001–2007 | |
| Шәхси мәгълүмат | |
| Туган | 29 июнь 1957 (64 яшь) ССРБ Төрекмәнстан ССР |
| Сәяси фирка | ТДФ (2006-2013) фиркасез (2013 елдан) |
| Җефет | Огульгерек Атаевна Бердымухамедова[d] |
| Әти | Мәликколый Бирдемөхәммәтов[d] |
| Белем | Төрекмәнстан дәүләт медицина институты |
Тәрҗемәи хәлеҮзгәртү
1957 елның 29 июнендә Төрекмәнстан ССР Ашхабад өлкәсендә авыл мәктәбе укытучысы гаиләсендә туган. 1979 елда Төрекмәнстан дәүләт медицина институтының стоматология факультетын, соңрак әлеге уку йортында (вариант: Мәскәүдә[1]) аспирантура тәмамлаган. Медицина фәннәре докторы (2007), профессор. Алман һәм рус телләрен камил белә.
Хезмәт юлыҮзгәртү
- 1980 елдан Төрекмәнстан ССР Ашхабад өлкәсе авыл амбулаторияләрендә табиб-стоматолог булып эшли башлый.
- 1990-1995 елларда Төрекмәнстан дәүләт медицина институтында: ассистент, доцент, стоматология факультеты деканы.
- 1995-1997 елларда Төрекмәнстан сәламәтлек саклау һәм медицина сәнәгате министрлыгының стоматология үзәге директоры.
- 1997-2001 елларда Төрекмәнстан сәламәтлек саклау һәм медицина сәнәгате министры.
- 2001-2007 елларда Төрекмәнстан министрлар кабинеты рәисенең (рәис — С. Ниязов) урынбасары.
- 2006 елның 21 декабреннән 2007 елның 14 февраленә кадәр — Төрекмәнстан президенты в.б.
Төрекмәнстан президенты сайлауларыҮзгәртү
- 2007 елның 11 февралендә узган чираттан тыш Төрекмәнстан президентын сайлауларда, сайлаучыларның 89.2% тавышын җыеп, Төрекмәнстанның икенче президенты итеп сайлана.
- 2012 елның 12 февралендә узган Төрекмәнстан президентын сайлауларда, сайлаучыларның 97,14% тавышын җыеп, 7 көндәшен җиңеп, яңа мөддәткә Төрекмәнстан президенты итеп сайлана.
- 2017 елның 12 февралендә узган Төрекмәнстан президентын сайлауларда, беренче нәтиҗәләр буенча, сайлаучыларның 97,69% тавышын җыеп, 8 көндәшеннән алда бара.[2]
Бүләкләре, мактаулы исемнәреҮзгәртү
ГаиләсеҮзгәртү
Хатыны Огөлгерек Ата кызы Бәрдемөхәммәдова
- улы Сәрдар, өч кызы[4]
ФактҮзгәртү
2019 елның 20 июлендә төрекмән оппозициясе чыганаклары Г. М. Бәрдемөхәммәдовның вафат булуын хәбәр итте. Әмма бу мәгълүмат рәсми рәвештә расланмый һәм кире кагылмый[5].
СылтамаларҮзгәртү
ИскәрмәләрҮзгәртү
- ↑ Лента.ру сайтында
- ↑ На выборах президента Туркменистана лидирует Бердымухамедов. Известия, 13.02.2017
- ↑ Рөстәм Миңнеханов Төрекмәнстан Президентына «Дуслык» ордены тапшырды. Татар-информ, 2017 ел, 17 сентябрь(үле сылтама)
- ↑ Gundogar.org сайты, 14.11.2012
- ↑ Умер президент Туркменистана Гурбангулы Бердымухамедов, сообщили СМИ. gazeta.ru, 21.07.2019(рус.)