Габбәс Мөхәммәтшин
Габбәс Мөхәммәтшин, Габбәс Нурулла улы Мөхәммәтшин (1935 елның 9 мае, ССРБ, РСФСР, ТАССР, Яңа Писмән районы, Кирлегәч — 2019 елның 12 гыйнвары, РФ, ТР, Казан) — Татарстанның хуҗалык һәм мәдәният эшлеклесе, ТАССР атказанган төзүчесе, ТАССР (ТР) мәдәният министры урынбасары (1989-1997). Казанда «Әлмәт якташлыгы» җәмгыяте рәисе[1].
| Габбәс Мөхәммәтшин | |
|---|---|
| Туган телдә исем | Габбәс Нурулла улы Мөхәммәтшин |
| Туган | 9 май 1935 ССРБ, РСФСР, ТАССР, Яңа Писмән районы, Кирлегәч |
| Үлгән | 12 гыйнвар 2019 (83 яшь) РФ, ТР, Казан |
| Милләт | татар |
| Ватандашлыгы |  ССРБ→ РФ |
| Һөнәре | төзүче, завод директоры, министр урынбасары |
| Бүләк һәм премияләре |  ТАССР атказанган төзүчесе |
Тәрҗемәи хәле
үзгәртү1935 елның 9 маенда Татарстан АССР Яңа Писмән районы (1955 елдан Лениногорск районы) Кирлегәч авылында туган. Иркутскида хәрби техниклар мәктәбен (техникум) тәмамлаган (1954). 1954—1956 елларда хәрби хезмәттә булган.
Хезмәт юлы
үзгәртү1954 елда Ерак Көнчыгыш тимер юлы махсус конторасында төзелеш мастеры.
1956—1957 елларда Ерак Көнчыгыш тимер юлының Владивосток дистанциясе төзелеш мастеры.
1957—1978 елларда Әлмәтнең «Татнефтестрой» берләшмәсе Тимер-бетон эшләнмәләр заводы (рус. завод ЖБИ): өлкән мастер, цех башлыгы, җитештерү-техник бүлек башлыгы, өлкән инженер, завод директоры.
1978—1980 елларда Лиепая (Латвия) төзелеш материаллары комбинаты директоры.
1980—1987 елларда Әлмәтнең йортлар төзү комбинаты башлыгы. 1982 елда ул җитәкләгән йортлар төзү комбинаты рекордлы күләмдә (75 539 квадрат метр) йортлар җиткерә. 5 катлы йортлар белән бергә 9 катлы йортлар салуга керешә.
1987—1989 елларда Казанның «Татжилгражданстрой» тресты баш инженеры. Сөембикә манарасын сипләү эшендә турыдан-туры катнаша.
1989 елның сентябреннән 1997 елның декабренә кадәр ТАССР (1991 елдан Татарстан) мәдәният министры урынбасары.
2019 елның 12 гыйнварында 83 яшендә вафат.
Китабы
үзгәртү- Семь ступеней минарета Сююмбеки: Историко-публицистический очерк о древнейшем архитектурном памятнике на территории Казанского Кремля (XVI-XX вв.). Казань: Дом печати, 2003. ISBN 5-94259-050-8[2]
Бүләкләре, мактаулы исемнәре
үзгәртү- ТАССР атказанган төзүчесе
- 1977 — Хөрмәт Билгесе ордены
- 1995 — Татарстан Республикасы Мактау грамотасы
- 1970 — «Фидакарь хезмәт өчен В.И. Ленинның 100 еллык юбилее хөрмәтенә» медале
- 1984 — «Хезмәт ветераны» медале
Искәрмәләр
үзгәртү- ↑ Ландыш Сибгатуллина, Юрас Сафиуллин. Представители Альметьевского землячества в Казани передали видеопоздравления в связи с юбилейными датами.(үле сылтама) Әлмәт районы рәсми сайты, 10.04.2013(рус.)
- ↑ Мухамедшин, Габбас Нуруллович. Семь ступеней минарета Сююмбеки. Российская государственная библиотека (рус.)
Сылтамалар
үзгәртү- Элеккеге Татарстан мәдәният министры урынбасары Габбас Мөхәммәтшин вафат.(үле сылтама) «Татар-информ» МА, 12.01.2019
- На 84-м году жизни скончался видный государственный деятель, Заслуженный строитель ТАССР, бывший заместитель министра культуры Республики Татарстан Габбас Нуруллович Мухамедшин. 2019 елның 15 гыйнвар көнендә архивланган. ТР мәдәният министрлыгы сайты (рус.)