Lugansk Xalıq Cömhüriäte
 |
Bu mäqälädä xäzerge waqiğalar surätlänä. |
| ||||||||||||||||||||||||||||||||
Lugansk Xalıq Cömhüriäte (rusça Луганская наро́дная респу́блика, ukrainça Луганська Народна Республіка) - 2014 yılnıñ aprelendä Ukraina territoriäsendä Urıs yazı näticäsendä kilep çıqqan tanılmağan däwlät.
Donetsk Xalıq Cömhüriäte häm Lugansk Xalıq Cömhüriäte Kiev belän konstruktiv dialog bulmawı säbäple federatsiäläşterü tarafdarları tarafınnan iğlan itelgän.
2014 yılnıñ 28 aprelendä Lugansk şähärendä Lugansk Xalıq Cömhüriäte iğlan itelgän [1].
24 iyündä DXC häm LXC Yañarusiä digän Xalıq Cömhüriätlär konfederativ Berlegenä berläşä. 27 iyündä öleşçä tanılğan däwlät Könyaq Osetiä LXC bäysez däwlät bularaq tanıdı.
Köräş tarixıҮзгәртү
Yevromäydan näticäsendä Kievta kilgän xäkimiät Donetsk Xalıq Cömhüriäte häm Lugansk Xalıq Cömhüriäten "separatist terroristik oyışması" bularaq taswirlıy.
6 apreldä üzbilgelänügä ireşüneñ aktiv faza başlana: İminlek xezmäte binası basıp alına.
21 apreldä Valeriy Bolotov xalıq gubernatorı itep saylanğan.
28 apreldä strategik ähämiätle Staxanov şähäre LXC köçläre tarafınnan alına.
5 mayda Antratsit şähärendä Don Ğäskäre bäyrağı kütärelgän.
Donetsk Xalıq Cömhüriäte häm Lugansk Xalıq Cömhüriäte Könyaq-Könçığış berdäm ştabı qısalarında xezmättäşlek itälär häm 2014 yılnıñ 11 mayında Lugansk Xalıq Cömhüriäte üzbilgelänüe turında referendumnı ütkärä.
ReferendumҮзгәртү
2014 yılnıñ 11 mayında ütkärelgän Lugansk Xalıq Cömhüriäte üzbilgelänüe turında referendum näticäsendä saylawçılar 96 %ı Lugansk Xalıq Cömhüriäte däwlät bäysezlegen yaqlağan.
Referendum näticäläre nigezendä 2014 yılnıñ 12 mayında Lugansk Xalıq Cömhüriäte däwlät suverenitetın iğlan itä.
SuğışҮзгәртү
26 mayda Kiev üzäk xäkimiäte DXC häm LXC-nä qarşı suğış xäräkätläre (ATO) başlıy. Suğış waqıtında küp kenä xärbi bulmağan watandaşlar häläk bula.
1 sentäberdä Minsk şähärendä "Minsk kileşüe" imzalanğannan soñ, aktiv suğış xäräkätläre waqıtlıça tämamlana.
SaylawlarҮзгәртү
DXC häm LXCdä Ukraina Yuğarı Radasına saylawlar uzmıy, ä 2 noyäberdä üzeneñ saylawları ütkärelä.
Saylawlarda premyer İgor' Plotnitskiy Cömhüriät başlığı bulıp saylana (63%),parlamentta "Lugansk ilenä - tınıçlıq" digän firqä östenlek ala.
Könbatış illäre saylawlarnı tanımıy, Rusiä Federatsiäse saylawlarnı "xörmät itä"..[2]