Ялгыз тәкәрлек (фильм)
«Ялгыз тәкәрлек» (рус. Одинокий чибис) — нәфис фильм, драма, режиссер Гасыйм Ширгазинның (Гасыйм Шир-Гази, Гасыйман Шириязданов) 2002 елда Хәбир Ибраһимның «Ялгыз тәкәрлек» әсәре буенча төшергән фильмы.
| Ялгыз тәкәрлек | |
|---|---|
 рәсми DVD тышлыгы | |
| Режиссёр | Гасыйм Шир-Гази |
| Сценаричы | Хәбир Ибраһим |
| Баш ролләрдә | Фирдәвес Әхтәмова Гөлшаһидә Сәләхова Гөлнара Исмаева Илдар Хәйруллин |
| Оператор | Рафик Галиев |
| Монтажчы | Тимур Садыйков |
| Киноширкәт | Дистрибьюция: Bars-Media Tatshop[1] |
| Нәрсәгә нигезләнгән |
Хәбир Ибраһим әсәре |
| Озынлык | 108 мин |
| Ил |  Россия Татарстан |
| Тел | татарча |
Тарих
үзгәртүНәфис фильмның күренешләре Апас районы территориясендә ― Борнаш, Әлмәндәр авыллары күлләре буенда төшерелгән[2].
Эчтәлеге
үзгәртүСюжет нигезендә ― 1960-еллар татар авылы халкының хокуксызлыгы, мәктәпне яңа тәмамлаган яшь кызы баланың фаҗигале язмышы. Зәйнәп исемле кыз баланың үги әнисе белән яшисе килмичә, мәктәпне бетергәч, шәһәргә китәсе килүеннән җирлек рәисе файдалана — кызны әрәм итә. Әсәрдә интрига туа ― Зәйнәп әлеге гөнаһның җимешен — баласын таба. Конфликт ― озак еллардан соң Зәйнәп кызы Гөлсирин белән авылга кабат әйләнеп кайткач, авыл советы рәисенең малае Рамазан белән Зәйнәпнең (шул ук рәистән туган) кызы Гөлсирин очраша башлый[3].
Язучы-сценарий авторының игътибары авыл кешеләренең коллык белән тиңләрлек язмышына юнәлтелгән. Зәйнәпнең бәхетсезлегендә кем гаепле? Аның ятимлеге генәме? Гаеп – аның холкында. Зәйнәп – горур кыз. Әнисе үлгәч, әтисенең Хәят апага өйләнүен кичерә алмый, шуңа авылдан читкә китәргә хыяллана ул. Үги анасының аңа карата булган яхшы мөнәсәбәте дә аның горурлыгын җебетә алмый. Үзенең бу адымы белән кыз үзенә дә, әтисенә дә, кызы Гөлсирингә дә җәза бирә, кино каһарманнарының язмышын боза... Төп каһарман Рамазан үзен-үзе үтерә[4] [5].
Актёрлар
үзгәртү| Актёр | Роле |
|---|---|
| Фирдәвес Әхтәмова | Хәят |
| Гөлшаһидә Сәләхова | Зәйнәп |
| Гөлнара Исмаева | Гөлсирин |
| Илдар Хәйруллин | Шакир |
| Зөлфирә Зарипова | Маһруза |
| Азат Зарипов | Рамазан |
| Тимер Зиннуров | Зәйни |
Төшерү төркеме
үзгәртү- Режиссёр: Гасыйм Шир-Гази
- Сценарий авторы: Хәбир Ибраһим
- Куючы-оператор: Геннадий Федосеенко
- Оператор: Рафик Галиев
- Монтаж режиссеры: Тимур Садыйков
- Тавыш режиссерлары: Зөфәр Хәйруллин? Андрей Майоров, Степан Барсамов
- Режиссер ассистенты: Әлфирә Мәһдиева
Әдәбият
үзгәртү- Хәбир Ибраһим. Ялгыз тәкәрлек : роман, повестьлар, хикәяләр / Хәбир Ибраһим. - Казан : Татарстан китап нәшрияты, 2008. - 317, [2] с. : ил., портр.; 20 см.; ISBN 978-5-298-01742-8.
Сылтамалар
үзгәртү- Ялгыз тәкәрлек. meshok.net
- А. Р. Мотигуллина. Кинороман Х. Ибрагима «Ялгыз тәкәрлек» в зеркале литературной традиции. cyberleninka.ru, 2015(рус.)
- Ялгыз тәкәрлек. tatar-films.ucoz.ru
Гөлнара Исмаева «Ялгыз тәкәрлек» җырын башкара (YouTubeвидео, 05:28)
Искәрмәләр
үзгәртү- ↑ DVD. Фильм «Ялгыз тәкәрлек»
- ↑ Ришат Җамалиев. “Ялгыз тәкәрлек” татар киносын Апасның Борнаш, Әлмәндәр авыллары күлләре буенда төшерделәр. Апастово-информ, 3.09.2017
- ↑ Эльмира Җәлилова. Хәбир Ибраһим: «Миңа нәүмиз геройлар ошый». Ирек мәйданы, 27.05.2011
- ↑ Галина Зайнуллина. Судьбу осилит смеющийся. 2017 елның 27 апрель көнендә архивланган. Республика Татарстан, 23.10.2008
- ↑ А. Р. Мотигуллина. Кинороман Х. Ибрагима «Ялгыз тәкәрлек» в зеркале литературной традиции. cyberleninka.ru, 2015(рус.)
