Шәрифулла Сәгъдуллин

Шәрифулла Сәгъдулла улы Сәгъдуллин (1930 елның 29 июле, Үгез-Елга, Мәмсә вулысы, Арча кантуны, Татарстан АССР, РСФСР, СССР2001, Шушмабаш, Арча районы, Татарстан, Россия) — совет авыл хуҗалыгы хезмәткәре, тракторчы[1]. Социалистик Хезмәт каһарманы (1976).

Шәрифулла Сәгъдуллин
Шәрифулла Сәгъдуллин.png
Туган 29 июль 1930(1930-07-29)
Үгез-Елга, Мәмсә вулысы, Арча кантуны, Татарстан АССР, РСФСР, СССР
Үлгән 2001
Шушмабаш, Арча районы, Татарстан, Россия
Ватандашлыгы Flag of the Soviet Union.svg СССР
Flag of Russia.svg Россия

Тормыш юлыҮзгәртү

Шәрифулла Сәгъдуллин 1932 елның 29 июлендә Татарстан АССРның Арча районы Үгез-Елга авылында (башка мәгълүматлар буенча — Шушмабаш авылында[2]) туа. Бөек Ватан сугышы елларында ук эшли башлый, Смоленск янында әтисе вафатыннан соң гаиләдә туендыручы була. «Шушмабаш» колхозы басуында атта җир сөреп, тырмалап эшли.

Совет Армиясендә хезмәт иткәннән соң туган ягына кайта һәм тракторда эшен дәвам итә. 1957—1959 елларда Казакъстан ССРның Күкчәтау өлкәсендә чирәм җирләрне күтәрә. Татарстан АССРына тәҗрибәле механизатор булып кайта, 1956 елдан туган «Северный» совхозы кырларында эшли. 1967 елдан Сәгъдуллин Арча районының «Ватан» совхозында эшли. Җәмәгать эшчәнлеге белән шөгыльләнә — 1980—1985 елларда Татарстан АССР Югары Советы депутаты була[3]. 1982 елда Мәскәүдә узган ССРБ профсоюзларының XVII cъездында делегат буларак катнаша.

Лаеклы ялга чыккач та, Шәрифулла Сәгъдуллин тракторда эшен дәвам итә.

2001 елда вафат була. Шушмабаш авылының бер урамына аның исеме бирелә, 2016 елның май аенда Шушмабаш мәктәбендә Сәгъдуллин истәлегенә мемориаль такта куела[4].

БүләкләрҮзгәртү

ССРБ Югары Шурасы Президиумы Указы белән 1976 елның мартында Шәрифулла Сәгъдуллин Ленин ордены һәм «Урак һәм Чүкеч» алтын медале белән Социалистик Хезмәт каһарманы исеме бирелә (дәүләткә игенчелек азыкларын җитештерүне һәм сатуны арттыру буенча IX бишьеллык (1971—1975 еллар) биремнәрен үтәүдә күрсәткән хезмәт батырлыгы өчен);

Шулай ук икенче Ленин ордены (1971) һәм медальләр белән бүләкләнә, алар арасында «1941—1945 еллардагы Бөек Ватан сугышында фидакарь хезмәт өчен» медале дә бар.

ИскәрмәләрҮзгәртү

  1. Сагдуллин Шарифулла Сагдуллович — тракторист совхоза «Северный» Арского района. әлеге чыганактан 2014-10-28 архивланды. 2015-02-01 тикшерелде.
  2. Сагдуллин Шарифулла Сагдуллович
  3. Сагдуллин Шарифулла Сагдуллович
  4. Намуслы хезмәт уңыш китерә

СылтамаларҮзгәртү