Фатыйх Шәрипов
Фатыйх Шәрипов (Фатыйх Зариф улы Шәрипов) — Советлар Берлеге Каһарманы (1944), подполковник.
| Фатыйх Шәрипов | |
|---|---|
 | |
| Туу датасы | 20 гыйнвар 1921 |
| Туу урыны | ТАССР, Бөгелмә кантоны, Бәйрәкәтамак авылы |
| Үлем датасы | 4 июнь 1996 (75 яшь) |
| Үлем урыны | Санкт-Петербург |
| Гаскәр төре | танк |
| Дәрәҗә | подполковник |
| Җитәкчелек иткән | танк ротасы командиры |
| Бүләкләр һәм премияләр |     |
| Истигъфада | 1951 |
Тәрҗемәи хәле
үзгәртү1921 елның 20 гыйнваренда ТАССР Бөгелмә кантоны (хәзерге Ютазы районы) Бәйрәкәтамак авылында туган. Бөгелмә педагогия укуханәсен (1937), Казанда танк училищесын (1940-1942), Ленинградта бронетанк һәм механикалаштырылган гаскәрләр югары мәктәбен (1946) тәмамлаган. 1937-1940 елларда авыл мәктәбендә математика укытучысы булып эшли.
Бөек Ватан сугышында
үзгәртү1942 елның маеннан фронтта. 40- армиянең 10- танк корпусы 183- танк бригадасы танк ротасы командиры. Брянск, Воронеж, I һәм II Украина фронтлары составында Воронеж-Косторненская, Белгород-Харковь юнәлешендә һөҗүмнәрдә, Днепрны кичүдә катнаша (1943). Яссы-Кишенәү (1944) һәм Братислава-Брно (1945) юнәлешләрендә һөҗүм хәрәкәтләрендә катнаша.
Батырлыгы
үзгәртүУкраина ССР Киев өлкәсе Кагарлык районы Балык авылы янында Днепрны кичкәндә батырлык үрнәге күрсәтә: 1943 елның 23 сентябрендә Ф. Шәрипов җитәкчелегендәге моторота елганы кичә, плацдарм яулый, 3 тәүлек буена дошманның контрһөҗүмен кире кайтарып тора. 1944 елның 1 гыйнваренда Советлар Берлеге Каһарманы исеменә лаек була.[1]
Сугыштан соң
үзгәртү1951 елда оттавкага чыга. Ленинградта диңгез укуханәсендә эшли.[2]
Бүләкләре, мактаулы исемнәре
үзгәртү- Советлар Берлеге Каһарманы (1944 ел 1 гыйнвар).
- Ленин ордены.
- Ике Кызыл Йолдыз ордены.
- I дәрәҗә Ватан сугышы ордены.
- Баулы районы мактаулы ватандашы.[3]
Хәтер
үзгәртү- Баулыда якташлары - Советлар Берлеге Каһарманнарына багышланган мемориаль комплекста бюсты урнаштырылган.
- Казанда Җиңү паркындагы мемориаль комплекста исеме язылган мәрмәр такта куелган.
Чыганаклар
үзгәртүСылтамалар
үзгәртү- Ютазы районы рәсми сайты 2015 елның 11 июнь көнендә архивланган.
- ТР Бөек Ватан сугышы виртуаль музее 2016 елның 6 март көнендә архивланган.
Искәрмәләр
үзгәртү- ↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 10 января 1944 года // Ведомости Верховного Совета Союза Советских Социалистических Республик : газета. — 1944. — 19 января (№ 3 (263)). — С. 1
- ↑ Ютазы рәсми сайтының «Районның шәрәфле ватандашлары» бүлегендә 2015 елның 11 июнь көнендә архивланган.
- ↑ Баулы районы шурасы президиумы карары № 5 25.04.1995