Таҗи Гыйззәт музее (Әгерҗе)
| Викибирелмәләрнең буш элементы |
Таҗи Гыйззәт музее (рус. Музей Тази Гиззата) — Татарстанның Әгерҗе шәһәрендә урнашкан муниципаль мәдәният оешмасы (музей). Әгерҗе районы мәдәни мирас һәм тарих музее филиалы. Драматург Таҗи Гыйззәтнең (1895—1955) тормыш юлы һәм иҗаты белән таныштыра.
| Таҗи Гыйззәт музее | |
|---|---|
| |
| Нигезләү датасы | 2007 |
| Урын | 422230 ТР, Әгерҗе, Октябрь ур., 25 |
| Директор | Гөлназ Фелис кызы Җәмитова |
| Сайт | Музей турында мәгълүмат |
 Тышкы рәсемнәр
| |
|---|---|
|
Музейдан фотосурәтләр. |
Тарих
үзгәртүМузей ачу тәкъдимен 2005 елда драматургның улы – профессор, фәлсәфә фәннәре докторы Казбәк Таҗи улы Гыйззәтов әйтә.
ТР Әгерҗе районы башкарма комитеты җитәкчесе Ф. Г. Нуриев 2006 елның 18 декабрендә «Әгерҗедә Таҗи Гыйззәт музеен оештыру турында» 496нчы санлы карар кабул итә[1].
Шул карар нигезендә, 2007 елның августында Әгерҗе шәһәренең Таҗи Гыйззәт исемендәге (2010 елдан) 3нче санлы урта мәктәбе[2] бинасында музей ачыла.
Тасвирлама
үзгәртүКазбәк Гыйззәтов һәм аның хатыны, шәфкать туташы Фирдәвес Гыйният кызы 2005 елдан башлап музейга күпсанлы фотосурәтләр, китаплар, Таҗи Гыйззәтнең шәхси әйберләрен тапшырып килә. Әлеге әйберләр музей экспозициясенең нигезен тәшкил итә. Музейны оештыруда Әгерҗе районы башкарма комитеты җитәкчесе урынбасары Равия Фәррахи кызы Лутошкина, рәссам Камил Мансур улы Мөхәммәтшин, китапханә хезмәткәрләре зур өлеш кертә[3].
Күргәзмәләрдә драматургның тормышы һәм иҗаты чагыла. Музейда язучының шәхси әйберләре дә саклана.
Сылтамалар
үзгәртү- Музей истории и культурного наследия Агрызского муниципального района РТ. Музеи России
- Таҗи Гыйззәт музее 2019 елның 7 июль көнендә архивланган.. Укучының (Нурислам Абдуллин) мәдәни көндәлеге
Искәрмәләр
үзгәртү- ↑ Постановление Руководителя Исполкома муниципального образования «Агрызский муниципальный район» от 18.12.2006 N 490(үле сылтама)(рус.)
- ↑ Әгерҗе шәһәренең Таҗи Гыйззәт исемендәге 3нче урта гомуми белем бирү мәктәбенең «Татарстан Республикасында электрон мәгариф» порталындагы сәхифәсе, archived from the original on 2021-05-16, retrieved 2019-06-11
- ↑ Музей истории и культурного наследия Агрызского муниципального района РТ. tatfrontu.ru(рус.)