Ольга Васильева

Ольга Васильева, Ольга Юрий кызы Васильева (рус. Васильева Ольга Юрьевна, 1960 елның 13 гыйнвары, СССР, РСФСР, ТАССР, Бөгелмә) — Россия галиме һәм мәгариф эшлеклесе, 2021 елның 30 июненнән Россия мәгариф академиясе президенты, Россия Федерациясенең мәгариф министры (2018—2020), РФ мәгариф һәм фән министры (2016—2018), тарих фәннәре докторы (1998), профессор (2005), РМА академигы (2021), дин тарихы белгече, 2нче класслы РФ дәүләт киңәшчесе (2014).

Ольга Васильева
Olga Vasilyeva official portrait.jpg
Flag of Russia.svg РФ мәгариф академиясе президенты
Вазыйфага керешкән
2021 елның 30 июне
Flag of Russia.svg РФ мәгариф министры
Вазыйфада
2018 ел – 2020 ел
Flag of Russia.svg РФ мәгариф һәм фән министры
Вазыйфада
2016 ел – 2018 ел
Туган 13 гыйнвар 1960(1960-01-13) (61 яшь)
Бөгелмә, Татарстан АССР, РСФСР, СССР
Белем Мәскәү дәүләт мәдәният үнивирситите[d], РФ ЭЭМ дипломатия академиясе[d], Мәскәү дәүләт һуманитар үнивирситите[d] һәм РФА Русия тарихы институты[d]

Тәрҗемәи хәлеҮзгәртү

 
О. Ю. Васильева

1960 елның 13 гыйнварында Татарстан АССР Бөгелмә шәһәрендә математик гаиләсендә туган. Бөгелмәдә урта мәктәпне (1974), Мәскәү дәүләт мәдәният институтының дирижер-хор бүлеген, В.И. Ленин исемендәге Мәскәү дәүләт педагогия институтының тарихи фәннәр һәм археология факультетын, РФ тышкы эшләр министрлыгы Дипломатия академиясенең Халыкара мөнәсәбәтләр факультетын, ССРБ тарих институтында (хәзерге РФ фәннәр академиясенең Россия тарихы институты) аспирантура (1990) тәмамлаган. «Совет дәүләте һәм Бөек Ватан сугышы елларында Рус православие чиркәвенең ватандарлык эшчәнлеге» (рус. Советское государство и патриотическая деятельность Русской православной церкви в годы Великой Отечественной войны) темасына кандидатлык (1990), «Совет дәүләтенең 1943-1948 еллардагы сәясәтендә Рус православие чиркәве» (рус. Русская православная церковь в политике Советского государства в 1943-1948 гг.) темасына докторлык (1998) диссертацияләре яклаган.

Хезмәт юлыҮзгәртү

 
О. Ю. Васильева

Фәнни эшчәнлегеҮзгәртү

Гыйльми эзләнүләр өлкәсе: Рус православие чиркәвенең XX гасырдагы тарихы, совет чорында дәүләт-чиркәү мөнәсәбәтләре, халыкара мөнәсәбәтләр, дини-сәяси экстремизм проблемалары. 24 фәннәр кандидаты, 2 тарих фәннәре докторы әзрләгән. Тарих һәм дин темаларын яктыртучы күп санлы ССРБ, РФ һәм чит ил фәнни журналларында («Вопросы истории», «Российская история», The New Times, La Nuova Europa һ.б.) мәкаләләре басылган. 110 фәнни хезмәт, шул исәптән 5 монография авторы[7].

КарашларҮзгәртү

Ольга Васильева Сталинның эшчәнлегенә уңай бәяләр бирде, аеруча 1943 елда православие чиркәвенең кайбер институтларын торгызуны хуплады[8], ләкин сугыштан соң дини оешмаларга эзәрлекләү, репрессияләр, җәберләү турында онытып исәпкә алмый.

Оппозицион белгечләр православие дине карашлы шәхесне магариф министры урынына раслауны тәнкыйтьлиләр, хәттә "мракобесие килүе" дип атыйлар [8].

ХезмәтләреҮзгәртү

Иҗтимагый эшчәнлегеҮзгәртү

 
О. Ю. Васильева (с) һәм РФ хөкүмәте рәисе Дмитрий Медведев укытучыларның август киңәшмәсендә. Мәскәү, 20.08.2016
  • РФ хөкүмәте каршындагы дини берләшмәләр эше буенча комиссия әгъзасы.
  • РФ фән һәм мәгариф министрлыгы каршындагы «Ватан тарихы» курсы буенча программалар әзерләү буенча шура әгъзасы[9].
  • Дин тарихы белгечләренең халыкара ассоциациясе әгъзасы.
  • РФ матбага, телерадиотапшырулар һәм гаммәви багланыш чаралары министрлыгы каршындагы электрон гаммәви багланыш чараларында дини тематиканы яктырту буенча шура әгъзасы.

Кызыклы фактҮзгәртү

О. Ю. Васильева — Россия тарихында хатын-кызлардан беренче мәгариф министры.

СылтамаларҮзгәртү

ИскәрмәләрҮзгәртү