Никипар Соловьев
Никипар Соловьев (Никипар Чәрги улы Соловьев, рус. Соловьев Никифор Сергеевич, 8 март 1894[1], Зур Мәшләк, Шомыртбаш вулысы, Мамадыш өязе, Казан губернасы, Россия империясе — 1967[2], Казан, РСФСР, СССР) — сәяси эшлекле, педагог.
| Никипар Соловьев | |
|---|---|
| Туган | 8 март 1894[1] Зур Мәшләк, Шомыртбаш вулысы, Мамадыш өязе, Казан губернасы, Россия империясе |
| Үлгән | 1967[2] Казан, РСФСР, СССР |
| Әлма-матер | Казан үзәк керәшен-татар мәктәбе һәм Казан укытучылар семинариясе[d] |
1913-1916 елларда Янил авылында 2 сыйныфлык укуханә мөдире. 1918-1919 елларда Көнчыгыш фронтның 1 нче армиясендә инкыйлаби трибунал рәисе, 1920-1921 елларда РСФСРның милләтләр эшләре буенча халык комиссариатында Үзәк керәшен бүлеге хезмәткәре. 1922-1929 елларда ВКП(б)ның Татарстан өлкә комитетында керәшеннәр секциясенең бюро әгъзасы, ТАССР мәгариф халык комиссары урынбасары.
1930-1933 елда Мәскәүдә, 1935 елдан Казанда педагогик эштә: Казан авыл хуҗалыгы институты директоры (1935-1936), Казан авиация (1936-1939) һәм Казан байтарчылык (1939-1941) институтларында марксизм-ленининзм кафедралары мөдире. Алман-совет сугышы вакытында Вольск һәм Сызран шәһәрләрендә хәрби укуханәләрдә укыта. 1945 елдан янә Казанда: Казан фирка мәктәбендә КПСС тарихы кафедрасы мөдире, Казан гражданнар төзелеше мөһәндисләре институтында марксизм-ленининзм кафедрасы мөдире, Казан университетының КПСС тарихы кафедрасында укытучы.
ИскәрмәләрҮзгәртү
- ↑ 1,0 1,1 https://museum.kgasu.ru/index.php?option=com_content&view=article&id=676:2017-06-21-11-45-47&catid=2:2013-02-11-09-00-17&Itemid=3
- ↑ 2,0 2,1 Татар энциклопедиясе — 2002.