Иске Чәчкаб төп мәктәбе
Иске Чәчкаб төп гомуми белем бирү мәктәбе («Татарстан Республикасы Кайбыч муниципаль районы Иске Чәчкаб төп гомуми белем бирү мәктәбе» муниципаль бюджет гомуми белем бирү учреждениесе, рус. Муниципальное бюджетное общеобразовательное учреждение «Старочечкабская основная общеобразовательная школа Кайбицкого муниципального района Республики Татарстан») — Татарстан Республикасының Кайбыч районы Иске Чәчкаб авылында урнашкан мәктәп.
| Иске Чәчкаб төп мәктәбе | |
| Нигезләнү датасы | 1890 |
|---|---|
 | |
| Дәүләт |
 Россия |
| Административ-территориаль берәмлек | Иске Чәчкаб |
| Укучылар саны | 40 |
| Хезмәткәрләр саны | 13 (2021) |
| Адрес | Кайбыч районы, Иске Чәчкаб авылы, Үзәк урам, 57 йорт |
| Почта индексы | 422330 |
| Рәсми веб-сайт | edu.tatar.ru/kaybitcy/s-chechkaby?show_org_programs=1 |
 | |
 Иске Чәчкаб төп мәктәбе Викиҗыентыкта | |
Тарихы
үзгәртүАвылда беренче мәктәп 1890 елда ачыла.
1921 елда авылда башлангыч мәктәп ачыла (элекке мәктәп бинасында), 1953 елда – җидееллык (1956 елда яңа бина төзелә), 1961 елда – сигезьеллык, 1966 елда – башлангыч, 1990 елда – тулы булмаган урта мәктәп итеп үзгәртелә.[1]
1995 елда авыл тарихында беренче тапкыр мәктәп урта гомуми белем бирү статусын ала, Кайбыч районы администрациясе башлыгының 1995 елның 15 июлендәге 26 номерлы карары нигезендә Чәчкаб урта мәктәбе итеп үзгәртелә.[2] 1997 елда беренче чыгарылыш мәктәпне тәмамлый.
1997 елдан яңа урында «Альфа» сәүдә фирмасы тарафыннан 108 кешелек яңа ике катлы бина салына. Бу бинада мәктәп, балалар бакчасы урнашкан.[3][2]
2011 елдан 9 еллык мәктәпкә калдырыла[4][5]. Кайбыч муниципаль районы Башкарма комитеты җитәкчесенең 2011 елның 28 июнендәге 213 номерлы карары нигезендә «Татарстан Республикасы Кайбыч муниципаль районы Чәчкаб төп гомуми белем бирү мәктәбе» муниципаль гомуми белем бирү учреждениесе итеп үзгәртелә,[2] Татарстан Республикасы Кайбыч муниципаль районы Башкарма комитетының 2011 елның 19 декабрендәге 482 номерлы карары нигезендә «Татарстан Республикасы Кайбыч муниципаль районы Иске Чәчкаб төп гомуми белем бирү мәктәбе »муниципаль бюджет гомуми белем бирү учреждениесе дип үзгәртелә.[2]
2010 елдан Иске Чәчкаб мәктәбе каршында «Салават күпере» вокал ансамбле эшләп килә.[1]
2013 елда мәктәптә төбәк тарихын өйрәнү музее ачыла.[1]
Мәктәптә укыту татар телендә алып барыла. Рус теле Россия Федерациясенең дәүләт теле буларак өйрәнелә.[2] 2021 елның июненә мәктәп 23 чыгарылыш кичергән, 145 чыгарылыш сыйныф укучысын озаткан.[2]
2021-2022 уку елында мәктәптә 13 бала тәрбияләнә һәм әлеге авылда яшәүче татар гаиләләреннән 40 укучы белем ала. Укытучылар саны — 13.[2]
Күренекле укучылары
үзгәртү- Зөһрә Әхтәмова — химия фәннәре кандидаты, Казан милли тикшеренү технология университеты доценты.
- Кадыйрҗан Галимов — тарихчы, галим.
- Рәис Борһанов — Татарстан Республикасының атказанган югары мәктәбе хезмәткәре.
Рәсемнәр
үзгәртү-
Чәчкаб урта мәктәбе (җәй). -
Мәктәп бакчасы. -
Икенче сыйныфларны эзтабарларга кабул итү. -
Мәктәптә беренче сентябрь күренеше.
.jpg)
Искәрмәләр
үзгәртү- ↑ 1,0 1,1 1,2 Иске Чәчкаб. Татар онлайн энциклопедиясе.
- ↑ 2,0 2,1 2,2 2,3 2,4 2,5 2,6 МБОУ "Старочечкабская основная общеобразовательная школа Кайбицкого муниципального района Республики Татарстан"/ МБГБУ "Татарстан Республикасы Кайбыч муниципаль районы Иске Чәчкаб төп гомумбелем бирү мәктәбе"., archived from the original on 2022-01-26, retrieved 2022-01-26
- ↑ Кайбыч районы Чәчкаб урта мәктәбе сайты.(үле сылтама)
- ↑ Фәүзия Бәйрәмова. "Чәчкаб мәктәбе ябылмаячак, авыл яшәячәк, иншаллаһ!"
- ↑ Римзил Вәли (2011 елның 6 сентябрь). “Яптымизация” уен эш түгел.. Азатлык радиосы порталы. 2022 елның 11 февраль тикшерелгән.