Ильич исемендәге (Зәй районы)

Викибирелмәләрнең буш элементы

Бу терминның башка аңлатмалары да бар, аларны карау өчен Ильич битенә күчегез.

Ильич исемендәге (рус. Имени Ильича) – Татарстан АССР Зәй районы Кабан-Бастрык (1959 елдан Зичәбаш, 1974 елдан Дүрт Мунча) авыл советларына караган, 1970-елларның I яртысында юкка чыккан торак пункт (авыл)^[1]^[2].

География

Авыл Зичә елгасы кушылдыгы Караелгага коючы Татарсу инеше буенда, урман куенында, Кабан-Бастрык авылыннан 3 км, Зәй тимер юл станциясеннән 31 км ераклыкта урнашкан булган^[3].

Координатлар: киңлек 55.388368, озынлык 52.374043^[4].

Демография

Халык саны^[3]
1952	1963
50	0

Төп халык: татарлар (керәшеннәр).

Тарих

Авылга 1926 елда хәзерге Зәй районы Кабан-Бастрык авылыннан күченеп утырган крестьяннар нигез салган. Яңа торак пунктка инкыйлаб җитәкчесе Владимир Ильич Ульянов (Ленин) истәлегенә Ильич исеме кушылган^[3].

Авыл, нигез салынган көненнән башлап, Кабан-Бастрык (1959 елдан Зичәбаш, 1974 елдан Дүрт Мунча) авыл советларына караган^[1].

1930 елга кадәр Татарстан АССР Чаллы кантоны Зәй волостенә керә. 1930 елдан ― Чаллы, 1935 елдан ― Зәй, 1963 елдан ― Чаллы, 1972 елдан ― Зәй районнары составында^[1]^[5].

Күмәк хуҗалыклар төзү башлангач, 1929―1930 елларда авылда Ильич исемендәге авыл хуҗалыгы артеле (колхоз) оештырыла (1935 елда рәис булып Павлова эшли). Хуҗалыкның 145 гектар сөрүлек җире булган^[3].

Бөек Ватан сугышында (саннар Кабан-Бастрык авылы белән бергә бирелә) 132 кеше һәлак булган яки хәбәрсез югалган.

Сугыштан соң, күмәк хуҗалыкларны эреләндерү башлангач, Ильич исемендәге (Ильич исемендәге бистә), Ворошилов исемендәге (Кабан-Бастрык) авыл хуҗалыгы артельләрен берләштерәләр, яңа хуҗалыкка Ворошилов исеме бирелә (үзәге Кабан-Бастрык)^[5].

1958 елда Ильич исемендәге бистә эреләндерелгән Сталин исемендәге хуҗалыкка бирелә (1961 елдан Киров исемендәге, 1963 елдан «Игенче» колхозы, үзәге Зичәбаш)^[5]

Мөстәкыйль хуҗалык итү мөмкинлеген югалткан авыл халкы тарала башлый. Күпчелек гаилә Зәй шәһәренә һәм якын-тирәдәге нефть сәнәгате белән бәйле шәһәрләргә күченә.

1970-елларның I яртысында авыл юкка чыга^[1].

Әдәбият

Имени Ильича (Ильич исем). // Заинская энциклопедия (гл. редактор-составитель В. С. Малахов). К.: Издательство «Реноме», 1994. – С. 116.

Сылтамалар

Искәрмәләр

↑ ^1,0 ^1,1 ^1,2 ^1,3 Дуртмунчинское сельское поселение. О поселении, archived from the original on 2021-10-04, retrieved 2021-10-04
↑ Ильича им. пос. Населенные пункты ТатАССР до 1941года. Заинский район
↑ ^3,0 ^3,1 ^3,2 ^3,3 Имени Ильича (Ильич исем). // Заинская энциклопедия (гл. редактор-составитель В. С. Малахов). К.: Реноме, 1994. – С. 116
↑ Ур. им. Ильича. Заинск на карте
↑ ^5,0 ^5,1 ^5,2 История села Кабан Бастрык. 2021 елның 4 октябрь көнендә архивланган. Татары без границ

[:0-1] 1,0 ^1,1 ^1,2 ^1,3 Дуртмунчинское сельское поселение. О поселении, archived from the original on 2021-10-04, retrieved 2021-10-04

[2] Ильича им. пос. Населенные пункты ТатАССР до 1941года. Заинский район

[:1-3] 3,0 ^3,1 ^3,2 ^3,3 Имени Ильича (Ильич исем). // Заинская энциклопедия (гл. редактор-составитель В. С. Малахов). К.: Реноме, 1994. – С. 116

[4] Ур. им. Ильича. Заинск на карте

[:2-5] 5,0 ^5,1 ^5,2 История села Кабан Бастрык. 2021 елның 4 октябрь көнендә архивланган. Татары без границ

[1]

[2]

[3]

[4]

[5]