Зөфәр Галиуллин
Зөфәр Галиуллин, Зөфәр Шәйдулла улы Галиуллин (1957 елның 1 гыйнвары, СССР, РСФСР, ТАССР, Казан) ― дин эшлеклесе, мөфти, Россия Үзәк Диния нәзарәте составындагы Киров өлкәсе мөселманнарының төбәк дини идарәсе (Вятка мөфтияте) рәисе (2013 елдан).[1] Колшәриф мәчетенең беренче сайлап куелган имамы (1997―2010). Татарстан Республикасының Габдулла Тукай исемендәге Дәүләт премиясе лауреаты (2012).
| Зөфәр Галиуллин | |
|---|---|
 | |
| Туган телдә исем | Зөфәр Шәйдулла улы Галиуллин |
| Туган | 1 гыйнвар 1957 (67 яшь) СССР, РСФСР, ТАССР, Казан |
| Милләт | татар |
| Ватандашлыгы |  СССР → РФ |
| Әлма-матер | Казан дәүләт мәдәният һәм сәнгать университеты, Мир-Гарәп мәдрәсәсе[d], Iraqi University[d] һәм Россия ислам институты |
| Һөнәре | мөфти |
| Эш бирүче | Татарстан (телерадиокомпания), һөнәри-техника укуханәсе, Уренгой — Помары — Ужгород[d], әл Мәрҗани мәчете, Bornay mäçete, Кол Шәриф мәчете һәм Киров өлкәсе мөселманнарының төбәк Диния нәзарәте |
| Бүләк һәм премияләре |   |
Тәрҗемәи хәле үзгәртү
1957 елның 1 гыйнварында Казанда туган.
1974 елдан 1977 елга кадәр «Теплоконтроль» заводында механик җыю эшләре слесаре булып эшләгән.
1977 елдан 1981 елга кадәр Казан дәүләт мәдәният институтының мәдәни-агарту факультетында укыган, аны тәмамлаганнан соң, Казан телевидениесендә эшләгән.
1984 елдан СПТУ-11дә укыту-тәрбия эшләре буенча директор урынбасары булып эшләгән.
1987 елдан «Уренгой-Помары-Ужгород» газүткәргечен салуда эшләгән.
1988 елдан Казанның «Әл-Мәрҗани» мәчетендә казначы булып эшләгән. 1989 елда Идел буе Болгарында Ислам динен кабул итүгә 1100 ел тулуны уздыру өчен җаваплы була.
1989 елдан 1992 елга кадәр Бохара шәһәрендә «Мир-Гарәп» мәдрәсәсендә укыган.
Югары мөфти Тәлгать Таҗетдин билгеләве буенча, [2] 1992 елдан Казанның «Борнай» мәчетендә имам-хатыйб булып эшләгән.
1994-1997 елларда Багдад шәһәрендә (Гыйрак) Ислам университетында укый.
 Тышкы рәсемнәр
| |
|---|---|
|
Имам Зөфәр хәзрәт Галиулла Колшәриф мәчете диварларына Коръән аятьләрен уеп яза. 09.10.2006. |
1997 елда Казан имамнары тарафыннан, төзелеп килүче «Кол Шәриф» мәчете имамы итеп сайлана, анда 2010 елга кадәр эшли.[3]
Унике ел Татарстан Республикасы мөселманнары Диния нәзарәте Президиумы составына керә, анда көч структуралары белән элемтә өчен җаваплы була. Казан шәһәренең 18нче колониясендә укыта.
2007-2011 елларда Казандагы Россия Ислам университетының теология бүлегендә укый.
2011 елда Татарстан Республикасы мөфтиен сайлауда кандидат була (мөфти итеп Илдус Фәизов сайлана). [4]
2013 елның 29 сентябреннән – Россия мөселманнарының Үзәк Диния нәзарәте составындагы Киров өлкәсе мөселманнарының төбәк дини идарәсе (Вятка мөфтияте) рәисе итеп сайлана (үз теләге белән вазыйфасыннан киткән Габденнур Сәлим улы Камалетдин урынына). [5]
Бүләкләре, мактаулы исемнәре үзгәртү
- 2005 ― «Казанның 1000 еллыгы истәлегенә» медале
- «Иман һәм Игелек өчен» медале
- 2012 – Татарстан Республикасының Габдулла Тукай исемендәге дәүләт премиясе (Кол Шәриф мәчетенең архитекторлар төркеме белән бергә) ― «Кол Шәриф мәчете» архитектура комплексын иҗат иткән өчен (иҗат төркеме эчендә)[6][4]
Гаилә хәле үзгәртү
Өйләнгән. Өч бала тәрбияли.
Искәрмәләр үзгәртү
- ↑ РДУМ Кировской области. ЦДУМ России
- ↑ Муфтий Кировской области Зуфар Галиуллин. ЦДУМ России
- ↑ Азат Шаймарданов. Зуфар Галиуллин: Необходимо скорее возобновить работу мечети Кул Шариф. Исламский портал, 8.02.2013(рус.)
- ↑ 4,0 4,1 Вятский муфтий ушел в отставку. Кировский городской портал Кировнет.ру, 30.09.2013(рус.)
- ↑ Евгений Рыков. В Кировской области появился новый муфтий. ВяткаКиров.RU, 30.09.2013(рус.)
- ↑ 2012 елда Тукай премиясен Кол Шәриф архитекторлары гына алачак
Сылтамалар үзгәртү
- Муфтий Кировской области Зуфар Галиуллин. ЦДУМ России(рус.)