Ефәк юлы (кинофестиваль)

Бу терминның башка аңлатмалары да бар, аларны карау өчен Ефәк юлы (мәгънәләр) битенә күчегез.

2006 елдан Бурсада (Төркия) уза торган «Ефәк юлы» кинофестивале ^[1] белән бутамаска.

Ефәк юлы (кинофестиваль) – Кытай хөкүмәте тарафыннан Төньяк-Көнбатыш Кытайның Шэньси провинциясендәге Сиань шәһәрендә һәм Көнчыгыш Кытайның Ефәк юлы (диңгез) башланып китә торган Фучжоу шәһәрендә чиратлап уздырыла торган халыкара кинофильмнар фестивале.

Максаты

2013 елда КХР хөкүмәте тарафыннан игълан ителгән яңартылган Ефәк юлы белән диңгез Ефәк юлын берләштергән икътисадый путаны тормышка ашыру концепциясе нигезендә, Ефәк юллары буендагы 50 илнең (Кытай, Россия, Һиндстан, Иран, Төркия, Таиланд һ.б.) хезмәттәшлеген һәм мәдәни багланышларын ныгыту, кинематография өлкәсендәге бәйләнеш өчен яңа мәйдан булдыру.
Шаңхай һәм Пекин кинофестивальләре белән берлектә Кытай кинофильмнарын халыкара мәйданга чыгару.

I кинофестиваль

Оештыручылары: КХР матбугат, басмаханәләр, радио, кинематография һәм телевидение буенча баш дәүләт идарәсе һәм Шэньси провинциясенең халык хөкүмәте.

Шэньси провинциясенең халык хөкүмәте химаячелегендә Төньяк-Көнбатыш Кытайның Шэньси провинциясендәге Сиань шәһәрендә 2014 елның 20-24 октябрендә уза.^[2]

Ачылу тантанасы

Тан династиясе тарихына багышлана. Тан династиясе вакытында Сиань Кытайның башкаласы булып торган. Атаклы Ефәк юлы шул заманда гамәлгә кергән.^[3]

Мәгълүмат

Катнашучы илләр саны: 25
Катнашучы илләр: КХҖ КХҖ, Русия Русия,Япония Япония, АКШ АКШ, Сингапур, Көньяк Корея, Һиндстан һ.б.
Катнашучы киностудияләр саны: 170
Кинофильмнар төшерелгән: 18 телдә
Кинобазарда тәкъдим ителгән : 100 фильм
Килешүләр төзелгән: 3 млрд юаньлык
Русия Русиядән катнаша: 20 кинотасма («Василиса» – тамашачы мәхәббәте премиясе, Татарстан Татарстан: «Корбан-роман» – тамашачы мәхәббәте премиясе).^[4]