Валерий Әхмәтшин

Валерий Әхмәтшин, Валерий Васил улы Әхмәтшин (1941 елның 4 июне, ТАССР, Сарман районы, Сарман) — үзешчән композитор, җырлар, романслар авторы, Алабуга мәдәният училищесы (хәзерге Алабуга мәдәният һәм сәнгать көллияте) укытучысы. Татарстанның атказанган мәдәният хезмәткәре.

Валерий Әхмәтшин
Төп мәгълүмат
Тулы исеме	Валерий Васил улы Әхмәтшин
Туу көне	4 июнь 1941(1941-06-04) (83 яшь)
Туу урыны	ТАССР, Сарман районы, Сарман
Эшчәнлек еллары	—
Дәүләт	ССРБ ССРБ→ РФ
Һөнәрләр	композитор, педагог
Кораллар	баян, фортепиано
Жанрлар	җыр, романс, оркестр музыкасы
Милләт	татар

Тәрҗемәи хәле

Валерий Әхмәтшин. 2011

1941 елның 4 июнендә Татарстан АССР Сарман районы үзәге Сарман авылында хезмәткәр гаиләсендә туган. Сарман урта мәктәбен (1958), Алабуга мәдәният-агарту училищесын, Н. К. Крупская исемендәге Лениград мәдәният институтының оркестр бүлеген (1967) тәмамлый.

Хезмәт юлы

Алабуга мәдәният-агарту училищесын тәмамлагач, Мамадышта халык уен кораллары оркестры җитәкчесе.

Ленинград мәдәният институтын тәмамлагач, Алабуга мәдәният училищесындә укыта.

Иҗаты

Ленинград мәдәният институтында укыган елларында (1962-1967), беренчеләрдән булып, татар эстрадасы өчен җыр текстларына көйләр чыгара башлый. Иң зур танылу алган җыры булып «Чыгарсыңмы каршы алырга» (Дамир Гарифуллин сүзләренә) җыры исәпләнә, чөнки җыр, язылу белән үк, якташы Илһам Шакиров, Әлфия Авзалова, Флера Сөләйманова репертуарында яңгырый башлый.

Алабуга мәдәният училищесындә укыткан вакытта җырларга, романсларга көйләр язуын дәвам итә. Төрле елларда иҗат иткән 100дән артык әсәре — оркестр өчен, музыка уен кораллары өчен язылган әсәрләре, билгеле җырлары һәм романслары бар (мәсәлән, Рамил Чурагулов сүзләренә «Әрәмә баланнары», «Сыерчыклар сайрый», «Бәгърем, тик син генә», «Здравствуй, Кама» һ.б.).

Бүләкләре, мактаулы исемнәре

• Татарстанның атказанган мәдәният хезмәткәре

Әдәбият

1. Сарман (төзүчесе Тәлгат Исмәгыйлов). Казан: «АБАК» нәшрияты, 1998. ISBN 5-89423-067
2. Сарман районы энциклопедиясе (төзүчесе Дамир Гарифуллин). 1нче китап. Яр Чаллы: «Идел-йорт» нәшрияты, 2000.

Сылтамалар

• Елабуга поздравляет композитора В. В. Ахметшина с юбилеем. Портал «Елабуга многонациональная», 04.06.2011(үле сылтама)
• Алабуга мәдәният һәм сәнгать көллиятенең Вконтактедагы сәхифәсе
• Елабужский колледж культуры и искусства на Казанской улице в Елабуге. chelny.zoon.ru , 31.07.2017 2020 елның 13 август көнендә архивланган.

Моны да карагыз

• Вәсим Әхмәтшин