Айрат Сибагатуллин

Айрат Миңнемулла улы Сибагатуллин - Татарстан Республикасының мәдәният министры (2011-2018).

Айрат Сибагатуллин
Туган телдә исем Сибагатуллин Айрат Миңнемулла улы
Туган 31 март 1958(1958-03-31) (62 яшь)
Татарстан Республикасы Саба районының Байлар Сабасы авылы
Яшәгән урын Хөсәен Ямашев проспекты, Казан[1]
Балалар Ике улы бар.
Ата-ана
  • Миңнемулла (әти)

Тормыш юлыҮзгәртү

Сибагатуллин Айрат Миңнемулла улы Татарстан Республикасы Саба районының Байлар Сабасы авылында туган. Казан дәүләт педагогия институтын «тарих» белгечлеге буенча тәмамлый.

1977 елдан – Чистай суднолар ремонтлау заводының радиооператоры.

1985-1989 елларда - Казан дәүләт педагогия институтының студентлар һөнәри комитеты рәисе.

1989-1991 елларда – партиянең Бауман район комитеты инструкторы.

1991-1993 елларда – фильмнарны прокатка бирү буенча вәкил, «Киноцентр» Бөтенсоюз җитештерү-иҗат берләшмәсенең Татарстан бүлеге директоры урынбасары.

1993–1997 елларда – кинематография буенча Татарстан Республикасы Дәүләт комитеты рәисе урынбасары.

1997–1998 елларда – ТР Министрлар Кабинеты Аппаратының мәдәният һәм сәнгать бүлеге башлыгы.

1998–1999 елларда – Татарстан Республикасы Премьер–министры киңәшчесе. 1999–2002 елларда – “Татарстан” Дәүләт телерадиотапшырулар компаниясе рәисенең беренче урынбасары.

2002 елда – «“Яңа гасыр” телерадиокомпаниясе» ААҖ генераль директоры урынбасары.

2002 ел ноябреннән 2011 елның март аена хәтле - «Татарстан» Дәүләт телерадиокомпаниясе рәисе.

2011 -2018 елларда – Татарстан Республикасы мәдәният министры[2].

2018 елның апреленнән 2020 елның 6 февраленә кадәр — «Татарстан — Яңа Гасыр» телеканалының башкаручы директоры һәм баш мөхәррире[3].

2020 елның 6 февраленнән (Татарстан Иҗтимагый палатасы рәисе итеп сайланган Зилә Вәлиева урынына) — «Казан кремле» тарихи-архитектура музей-тыюлыгы җитәкчесе[4].


Гаилә хәлеҮзгәртү

Өйләнгән, ике улы бар.

ИскәрмәләрҮзгәртү