Төп менюны ачу

Айрат Вәлиев, Айрат Рәсим улы Вәлиев (1978 елның 25 мае, ССРБ, РСФСР, Татарстан АССР, Саба районы, Көек) — техник фәннәр докторы (2018), доцент (2009). 2018 елның 17 июленнәнКазан дәүләт аграр университеты ректоры в.в.б., 14 ноябреннән — ректор.

Айрат Вәлиев
А.Р.Вәлиев.jpg
Туган телдә исем Айрат Рәсим улы Вәлиев
Туган 25 май 1978(1978-05-25) (41 яшь)
ССРБ, РСФСР, ТАССР, Саба районы, Көек
Яшәгән урын Равис Гәрәев урамы[d], Казан[1]
Милләт татар
Ватандашлыгы ССРБFlag of the Soviet Union.svg ССРБ
Русия байрагы РФ
Әлма-матер Яшел Үзән механика көллияте һәм Казан дәүләт аграр университеты
Һөнәре мөһәндис, ректор
Балалар ике кызы
Гыйльми дәрәҗә: техник фәннәр докторы[d]

Тәрҗемәи хәлеҮзгәртү

1978 елның 25 маенда Татарстан АССР Саба районы Көек авылында туган. 9 сыйныфтан соң, Яшел Үзән механика техникумын (1999 елдан көллият) кызыл дипломга, «авыл хуҗалыгын механикалаштыру» белгечлеге буенча Казан дәүләт авыл хуҗалыгы академиясенең (1995 елдан академия, 2006 елдан университет) авыл хуҗалыгын механикалаштыру факультетын (2001) һәм «икътисад һәм аграр җитештерү белән идарә итү» белгечлеге буенча Казан дәүләт авыл хуҗалыгы академиясенең икътисад факультетын (2005) тәмамлаган.

2018 елның ноябрендә Чуаш аграр академиясендә «Җир эшкәртү машиналарының яңаларын булдыру һәм камилләштерү нигезендә Урта Идел буе шартларында туфрак эшкәртүнең нәтиҗәлелеген арттыру» темасына докторлык диссертациясе яклый[2].

Алмания, Словакия, Литва, Нидерландлар, Эстония, Кытайда стажировка узган.

Хезмәт юлыҮзгәртү

2001-2004 елларда — Казан дәүләт авыл хуҗалыгы академиясе мөһәндисе.

2004-2006 елларда — Казан дәүләт авыл хуҗалыгы академиясе энергия ресурсларын саклау кафедрасы өлкән укытучысы.

2006-2008 елларда — Казан дәүләт аграр университетының машиналарга хезмәт күрсәтүне оештыру һәм технологиясе кафедрасы доценты.

2007-2008 елларда — Казан дәүләт аграр университетының корпоратив-кластерлы укыту үзәге җитәкчесе.

2008 елдан — Казан дәүләт аграр университетының фәнни һәм халыкара эшчәнлек буенча проректоры.

2011-2016 елларда — Казан дәүләт аграр университетының машиналарны һәм җиһазларны эксплуатацияләү кафедрасы мөдире.

2018 елның 17 июленнән 14 ноябренә кадәр — Казан дәүләт аграр университеты ректоры в.в.б.

2018 елның 14 ноябреннән — ректор[3].

Гыйльми эшчәнлеге юнәлешеҮзгәртү

Татарстан җөмһүрияте шартларында туфракны эшкәртүнең адаптив энергия ресурсларын саклау системасы өчен нәтиҗәле технологияләр һәм техник чаралар.

60 фәнни хезмәте, ш. и. 2 монографиясе бар.

Бүләкләре, мактаулы исемнәреҮзгәртү

  • 2015 — РФ агросәнәгать комплексының мактаулы хезмәткәре.

СылтамаларҮзгәртү

ИскәрмәләрҮзгәртү