«Райян» төркеме

«Райян» төркеме — Ислам дине чагылган тематикалы җырларны башкаручы татар музыкаль төркем. Төркем ике җырчыдан тора — Азат Адиев һәм Вәли Фәзлиәхмәтов. Төркем 2009 елда барлыкка килде.

Райян
Төп мәгълүмат
Барлыкка килгән	2009
Тел	татар
Состав	Азат Адиев һәм Вәли Фәзлиәхмәтов

Солистлар биографияләре

Вәли Фәзлиәхмәтов 1983 елның 21 февралендә Башкортстанның Нефтекама шәһәрендә туа. Вәлидә дингә карата якты караш балачактан ук тәрбияләнә. Нефтекамада урта мәктәп тәмамлаганнан соң, ул машина төзү техникумында укый. Шул вакытта мәдәни чараларда катнаша башлый: студентларның күп бәйрәмнәрендә җырлый. Берара талант барлыгын аңлагач, техникумда укуын тәмамламыйча, Казанга китә. Татарстан башкаласының музыкаль мәктәбенә укырга керә. Соңрак «Казан егетләре» төркемендә җырлый башлый.

Азат Адиев — Аксубай районы Яңа Ибрай авылы егете. Мәктәпне тәмамлагач, Казанның мәдәният һәм сәнгать университетына укырга керә. Студент вакытында «Казан егетләре» төркемен оештыруга багышланган кастингта катнашып, шулай төркем әгъзасы да булып китә. Азат бала чактан ук җырлап, гармунда уйнап үсә.

Төркем исеме

«Райян» — җәннәттә ураза тотучылар өчен генә керергә рөхсәт бирелгән ишекнең исеме. Төркем исә 2009 елның Рамазан аенда оеша.

Җырлары

• «Болгар иле»
• «Мөселман кызы»
• «Мөхәммәт пәйгамбәр»
• «Өммәтем»
• «Йә, Аллаһ»
• «Никах көне»
• «Изге Коръән»

Сылтамалар

• Рамазан аенда оешкан “Райян” төркеме
• «Райян» төркеме Мәскәүдә җырлап кайтты(үле сылтама)

Моны да карагыз

• Казан егетләре (төркем)