Arkaş Bagay

Arkaş Bagay (udm. Аркаш Багай; çın iseme häm familiäse — Arkadiy Nikolay ulı Klabukov (udm. Аркадий Николаевич Клабуков); 1904 yılnıñ 17 martı, Räsäy imperiäse, Vätke gubernası, Vodzimonye — 1984 yılnıñ 24 iyüne) — udmurt sovet prozaigı, şağire, tärcemäçese, dramaturgı, häm folklorçısı. 1939 yıldan SSRB yazuçılar berlege äğzası.

Arkaş Bagay udm. Аркаш Багай
Tuu datası	17 mart 1904
Tuu urını	Räsäy imperiäse, Vätke gubernası, Vodzimonye
Ülem datası	24 iyün 1984 (80 yäş)
Eşçänlek töre	balalar yazuçısı, yazuçı, şağir, tärcemäçe, folklorçı, dramaturg
Janr	proza, şiğriät
Äsärlär tele	udmurt tele, urıs tele
Büläklär	Udmurt ASSR Yuğarı Sovetı Prezidiumınıñ maqtaw gramotası

Biografiäse

Krestyan ğailäsennän. İjaw pedagogiä texnikumın tämamlağannan soñ uqıtuçı bulğan, udmurt awıllarında gramotasızlıq belän köräşkän. 1926 yılda M. V. Lomonosov isemendäge Mäskäw däwlät universitetına uqırğa kergän. Universitetnı tämamlağannan soñ 1930 yılda İjawğa qaytqan, Udmurtiä kitap näşriätında, ä annarı Udmurtiä fänni-tikşerenü institutında eşlägän. 1939 yılda SSRB yazuçılar berlegenä qabul itelgän.

Sovet-Almaniä suğışında qatnaşuçı.

Suğıştan soñ UdFTİda eşlägän, ädäbi eşçänlek belän şöğellängän. 1954—1958 yıllarda «Molot» jurnalı redaksiäseneñ cawaplı sekretare, SSRB yazuçılar berlegeneñ Udmurtiä bülege qarşındağı ädäbi konsultant bulğan.

İcatı

1923 yılda «Гудыри» gäzitendä debüt yasağan. Üz äsärlären tuğan telendä bastırğan. Berençe kitabı, «Тараканъёс» (Tarakannar, 1926), Arkaş Bagay psevdonimı astında çıqqan. Yazuçı bu psevdonimnan 1950 yıllar axırında ğına baş tartqan.

Arkaş Bagay — tanılğan udmurt balalar yazuçısı. Arkaşnıñ qayber äsärläre xrestomatiäle bulğan.

Udmurt telenä urıs häm çit il yazuçılar-klassikların tärcemä itü belän şöğellängän: A. Puşkin, M. Lermontov, N. Nekrasov^[az], T. Şevçenko, A. Barto, S. Marşak^[kk], S. Mixalkov^[kk], K. Çukovskiy^[cv], B. Jitkov^[fi], D. Defo häm başqalar.

Saylanğan äsärläre

• «Перепеч» (1927)
• «Липет йылын» (xikäyälär cıyıntığı, 1928)
• «Коммунист сярысь баллада» (şiğirlär)
• «Мыно комсомолецъёс» (şiğirlär)
• «Укмысо кут» (şiğirlär)
• «Можай тыпы» (povest’)
• «Палбам» (povest’)
• «Тютю Макси» (poema, 1936)
• «Тынад пичи эшед» (xikäyälär cıyıntığı, 1955)
• «Уляш» (ber aktlı pyesa).

Ädäbiät

• Удмуртская Республика: энциклопедия. — Ижевск, 2008. — C. 398—399.
• Писатели и литературоведы Удмуртии. — Ижевск, 2006. — C. 63-64.
• Arkaş Bagay äsärläre Udmurt Respublikası Milli elektron kitapxanäse saytında

• Багай // Литературная энциклопедия : в 11 т. : т. 1 / Отв. ред. Фриче В. М. ; Отв. секретарь Бескин О. М. — М. : Изд-во Ком. Акад., 1930. — Стб. 713. — 768 стб. : ил.

Sıltamalar

• Аркаш Багай. Национальная библиотека Удмуртской Республики.