Әнәс Тумашев
Әнәс Ибраһим улы Тумашев — татар рәссамы һәм педагог, 1958 елда Г.Тукай исемендәге Дәүләт бүләге лауреаты.
| Ватандашлык |
 СССР Россия |
|---|---|
| Туу датасы | 25 февраль 1924 |
| Туу урыны | Чистай, Татарстан АССР, РСФСР, СССР |
| Үлем датасы | 12 октябрь 2010[1] (86 яшь) |
| Үлем урыны | Казан, Россия |
| Һөнәр төре | рәссам, сәхнә бизәүче |
| Эш урыны | Галиәсгар Камал исемендәге Татар театры[1] һәм Казан сынлы сәнгать укуханәсе[1] |
| Әлма-матер | Казан сынлы сәнгать укуханәсе[1] һәм И. Е. Репин исемендәге Санкт-Петербург сынлы сәнгать, скульптура һәм архитектура институты[d][1] |
| Әгъзалык | Татарстан Республикасы Рәссамнар берлеге[1] |
| Бүләкләр | |
 Әнәс Тумашев Викиҗыентыкта | |
Тормыш юлы
үзгәртүРәссам 1924 елның 25 февралендә Татарстанның Чистай шәһәрендә дөньяга килә. Казан сәнгать училищесын тәмамлый, соңарак шунда ук укыта. 1947 елда Әнәс Тумашев И Репин исемендәге Ленинград сәнгать, скульптура, архитектура институтына укырга керә. 1953 елда, институтны тәмамланып һәм Татарстанга әйләнеп кайтып, ул Г.Камал исемендәге Татар дәүләт академия театрына эшкә урнаша. 20 елдан артык ул театрының рәссамы, декорацияләр куючысы булып эшли, башка театрлар өчен дә декорацияләр ясый. 1975–1980 елларда ТАССР Рәссамнар берлеге идарәсе рәисе булып тора.
Театрдан кала, Әнәс Тумашев нәкышчылык, аерым алганда табигать күренешләрен сурәтләргә һәм тарихи темаларга әсәрләр иҗат итәргә ярата («Петр I Болгарда», «Бөек Болгар базары», «XX гасыр Казаны» һ.б.).
2010 елда вафат була.
