Әниләр мәчете (Аксубай)
«Әниләр» мәчете (рус. Мечеть «Әниләр» в поселке Аксубаево) ― Татарстанның Аксубай районы административ үзәге Аксубай шәһәр тибындагы бистәсендә урнашкан ислам гыйбадәтханәсе (мәчет). ТР МДН Аксубай районы мөхтәсибәте карамагында. Район үзәгендә (Үзәк мәчеттән кала) икенче, район буенча 29нчы мәчет[1].
| Мәчет | |
«Әниләр» мәчете
| |
.jpg) | |
| Ил | Россия |
| шәһәр тибындагы бистә | Татарстан, Аксубай районы, Аксубай, Көнбатыш ур., 11 |
| Координатлары | 55°44′09″ N 49°10′58″ E HGЯO |
| Дин | Ислам |
| Мәхәллә | ТР МДН Аксубай районы мөхтәсибәте |
| Кайсы дини агымга карый | сөнни / хәнәфи |
| Бина төре | дүрт манаралы мәчет |
| Төзелеш еллары | 2023—2024 еллар |
| Төп даталар: 2024 (ачылу)
| |
| Халәте | гамәлдә |
Урыны
үзгәртү«Әниләр» мәчете ― Аксубай бистәсендә үзәктән читтәрәк урнашкан икенче мәчет [2].
Атамасы
үзгәртүМәчетнең «Әниләр» исемен йөртүе символик мәгънәгә ия ― барлык вафат булган һәм исән-сау яшәүче әниләр истәлегенә аталган[3].
Тарих
үзгәртүҖирле мөселманнар, бистә Үзәк мәчетенең ерак урнашкан булуы һәм аңа җәяү барып җитү бик күп вакытны алуы сәбәпле, бистәдә икенче мәчет кирәклеге турында мөрәҗәгать иткән булган. 2023 елның июлендә шәхси кирпеч йорт төзү планлаштырылган урында төзелеш-реконструкция эшләре башланган. Мәчет төзү өчен участокны Әминә һәм Илгиз Кыямовлар бушлай биргәннәр. Төзелешнең төп иганәчеләре ― якташлары абыйлы-энеле Илгизәр һәм Илшат Заһидуллин (Минсабир Мотыйгулла улы балалары)[3].
2024 елның февраленнән мәчеттә азан тавышлары яңгырый, җомга намазлары укыла[3].
Мәчет 2024 елның 28 августында ачылган. Яңа мәчетне ачу тантанасында Татарстан мөфтие Камил хәзрәт Сәмигуллин, Татарстан Республикасы Рәисе каршындагы Татар телен һәм Татарстан Республикасында яшәүче халыкларның туган телләрен саклау һәм үстерү мәсьәләләре буенча Комиссия рәисе Марат Әхмәтов, ТР урман хуҗалыгы министры Равил Кузюров, «Зюзеев-нефть» генераль директоры Шамил Яһүдин, Аксубай муниципаль районы башлыгы Камил Гыйльманов, Чирмешән районы башлыгы Рамил Айбатов, мөфтинең мөхтәсибәтләр (территорияләр) белән эшләү буенча урынбасары, Татарстан Республикасының көньяк төбәге казые Равил хәзрәт Зөфәров, ТР мөселманнары Диния нәзарәте аксакаллары Советы рәисе Айрат хәзрәт Әюпов, шулай ук дин әһелләре һәм җәмәгать эшлеклеләре, район аксакаллары, якындагы районнарның мөхтәсибләре, төзелеш инициаторлары һәм хәйриячеләр катнашкан [4]. Татарстан мөфтие Камил хәзрәт Сәмигуллин мәчет төзелешендә катнашучыларга мөфтиятнең Рәхмәт хатларын һәм медальләрен тапшырган[1].
Тасвирлама
үзгәртүМәчет 150―200 кешегә исәпләнгән. Намазга килүчеләр өчен заманча уңайлыклары булган тәһарәтханә бүлмәсе бар. Ислам нигезләрен өйрәнү өчен уку сыйныфы, шулай ук ашханә-кухня оештырылган. Мәчеттә дин дәресләре һәм ифтарлар үткәрелә, шулай ук дини йолаларны башкару өчен барлык кирәкле шартлар тудырылган[1].
«Әниләр» мәчете су, газ, электр белән тәэмин итү буенча инженерлык челтәрләренә тоташтырылган, шулай ук гыйбадәт залларында җылы идән ясалган. Киләчәккә планда ― мәчет тирәсен төзекләндерү, уңайлы беседкалар урнаштыру һәм заманча балалар мәйданчыгы булдыру[1].
Яңа мәчетнең имамы ― Фәнис хәзрәт Низамов[3]. ТР МДН Аксубай районы мөхтәсибәте карамагында (район имам-мөхтәсибе Салих улы Равил хәзрәт Зөфәров)[5].
Искәрмәләр
үзгәртү- ↑ 1,0 1,1 1,2 1,3 В Аксубаевском мухтасибате открылась новая мечеть «Әниләр». ДУМ РТ, 28.08.2024
- ↑ Аксубай мөхтәсибәтендә яңа «Әниләр» мәчете ачылды. Татар-информ, 27.08.2024
- ↑ 3,0 3,1 3,2 3,3 Людмила Жаренова. Аксубайда яңа мәчет вафат булган һәм исән булган аналар хөрмәтенә Әниләр исемен йөртә. «Сельская новь», 28.08.2024
- ↑ Аксубайда яңа мәчет вафат булган һәм исән булган аналар хөрмәтенә «Әниләр» исемен йөртә. aksubayevo.ru. 28.08.2024
- ↑ Мөхтәсибәтләр һәм имам-мөхтәсибләр. Татарстан Җөмһүрияте мөселманнарының Диния нәзарәте
Сылтамалар
үзгәртү- В Аксубаевском мухтасибате открылась новая мечеть «Әниләр». ДУМ РТ, 28.08.2024.
- Людмила Жаренова. Аксубайда яңа мәчет вафат булган һәм исән булган аналар хөрмәтенә Әниләр исемен йөртә. «Сельская новь», 28.08.2024.