Югары Суыксу мәчете

Югары Суыксу мәчете
	Мәчет
	Югары Суыксу мәчете
Ил	Россия
авыл	423895, Татарстан, Тукай районы, Югары Суыксу, Үзәк ур., 39а.
Координатлары	N 55° 35' 41.496" E 52° 16' 20.64"
Дин	Ислам
Мәхәллә	ТР МДН Тукай районы мөхтәсибәте
Кайсы дини агымга карый	сөнни / хәнәфи
Бина төре	манарасы түбәсендә булган мәчет
	Төп даталар:; 2024 (ремонттан соң ачылу)
Халәте	гамәлдә

Югары Суыксу мәчете (рус. Мечеть в деревне Верхние Суык-Су Тукаевского района) ― Татарстанның Тукай районы Түбән Суыксу авыл җирлегенә^[d] караучы Югары Суыксу авылында урнашкан ислам гыйбадәтханәсе. ТР МДН Тукай районы мөхтәсибәте карамагында. Тукай районында эшләп килүче 58нче мәчет^[1].

Тарих

1870 ел мәгълүматларына караганда, авылда мәчет, мәдрәсә, 1913 елда биредә малайлар өчен мәктәп һәм кызлар өчен 2 мәктәп булган^[2]

1897 елгы халык санын алу мәгълүматлары буенча, Уфа губернасы Минзәлә өязе Югары Суыксу авылында 640 кеше (311 ир-ат һәм 329 хатын-кыз) яшәгән, шуларның 638е мөселманнар^[3].

Авылда 2010 елда 292 кеше ^[4], 2020 елда 436 кеше яшәгән, татарлар.

2024 елның 31 августында зур төзекләндерү эшләреннән соң мәчет яңадан ачылган.

Тасвирлама

Бер катлы мәчетнең мәйданы ― 160 квадрат метр. Мәчет каршында дини курслар һәм ифтарлар үткәрү өчен 50-60 кеше сыйдырышлы янкорма корылган. Барлык уңайлыклар тудырылган тәһарәтханә бар. Мәчеттә ир-атларга һәм хатын-кызларга гыйбадәт кылу өчен барлык шартлар булдырылган. Югары Суыксу авылы мәчете су, газ, электр белән тәэмин итү буенча инженерлык челтәрләренә тоташтырылган, әйләнә-тирәсе матурлап тәртипкә китерелгән.

Югары Суыксу авылы мәчете имам-хатыйбы Наис хәзрәт Сәйфетдинов. Тукай районы мөхтәсибәте (район имам-мөхтәсибе Тәүфик улы Инсаф хәзрәт Сәүбәнов^[5]) карамагында^[6].

Искәрмәләр

↑ Тукай мөхтәсибәтендә зур төзекләндерү эшләреннән соң мәчет ачылды. Татар-информ, 31.08.2024
↑ Верхний Суык-Су. Татарская энциклопедия
↑ Населенные места Российской империи в 500 и более жителей с указанием всего наличного в них населения и числа жителей преобладающ.pdf
↑ Ойконим: Верхний Суык-Су.toponym.antat.ru
↑ Инсаф Саубанов
↑ Мухтасибаты и имамы-мухтасибы. Духовное Управление Мусульман Республики Татарстан

Сылтамалар

[1] Тукай мөхтәсибәтендә зур төзекләндерү эшләреннән соң мәчет ачылды. Татар-информ, 31.08.2024

[2] Верхний Суык-Су. Татарская энциклопедия

[3] Населенные места Российской империи в 500 и более жителей с указанием всего наличного в них населения и числа жителей преобладающ.pdf

[4] Ойконим: Верхний Суык-Су.toponym.antat.ru

[5] Инсаф Саубанов

[6] Мухтасибаты и имамы-мухтасибы. Духовное Управление Мусульман Республики Татарстан

[1]

[2]

[3]

[4]

[5]

[6]