Шәех Зәет мәчете

Шәех Зәет мәчете (гарәп. جامع الشيخ زايد — «җәмигъ әш-шәех зәйед») — БГӘ башкаласы Әбу-Даби шәһәрендә урнашкан гыйбадәтханә. БГӘ дәүләтен нигезләүче һәм беренче дәүләт башлыгы булган шәех Зәет ибн Солтан ән-Нәхәйян (1918-2004 хөрмәтенә төзелгән.

Мәчет
Шәех Зәет мәчете جامع الشيخ زايد
Ил	БГӘ
Шәһәр	Әбу-Даби
Координатлары	24°24′43″ т. к. 54°28′26″ кч. о.
Дин	ислам
Кайсы дини агымга карый	сөнни (мәлики)
Бина төре	мәчет
Төзелеш еллары	1996—2007 еллар
Халәте	гамәлдә

Тарих

Төп мәкалә: Берләшкән Гарәп Әмирлекләрендә ислам

Аллаһының гүзәл исемнәре.
Мөхәммәт Мәнди каллиграфиясе

Шәех Зәет мәчете — Берләшкән Гарәп Әмирлекләренең иң зур мәчете. Шулай ук зурлыгы буенча дөньяда 8нче урында исәпләнә. Мәчетнең мәйданы 5 футбол стадионы мәйданына тиң.

Мәчеткә берьюлы 40 мең кеше сыя ала.

Мәчетнең 82 гөмбәзе һәм 107 м биеклектәге 4 манарасы бар.

Әлеге гыйбадәтханә идәненә дөньядагы иң зур келәм җәелгән (5 627 м²). Келәм «Иран келәмнәре» ширкәте тарафыннан әзерләнгән. Рәссамы — Али Халики (Иран). Келәмнең мәйданы — 5 627 кв. м. Келәмне тукуда 1 200 тукучы хезмәт куя. 20 техник төркем, 30 эшче җәлеп ителә. Келәмнең авырлыгы — 47 тонна (35 тонна йон, 12 тонна мамык). Келәм төзелешендә 268 000 төен бар..

Түшәменә дөньядагы иң зур люстра эленгән (биеклеге 15 м, диаметры 10 м).

Шәех Зәет мәчете туристлар өчен (җомга көненнән кала) иртәнге 9 - 12 сәгатьләр арасында ачык, керү бушлай.

Мәчетнең «Кыйбла» диварындагы «Аллаһының 99 гүзәл исеме (сыйфатлары)» каллиграфиясен БГӘ хаттаты Мөхәммәт Мәнди әл-Тамими ясаган.

Иң зур келәм

Чыганаклар

1. Хусам Диб. Путеводитель по Исламу. М.: Издательство ДУМ г. Москвы, 2016. ISBN 978-5-9908782-0-4

Сылтамалар

• Шәех Зәет мәчетенең рәсми сайты(ингл.)(гар.)
• Әбү-Даби туристлык үзәгенең рәсми сайты 2011 елның 1 гыйнвар көнендә архивланган. (ингл.)(гар.)
• Аллаһының гүзәл исемнәре. Шәех Зәет мәчете