Сергей Когогин

Сергей Анатолий улы Когогин (16 ноябрь, 1957, Олы Клүчә авылы, Яшел Үзән районы, Татарстан АССР) — Россия сәнәгатьчесе һәм дәүләт эшлеклесе.

Сергей Когогин
Туган телдә исем	Сергей Анатолий улы Когогин
Туган	16 ноябрь 1957(1957-11-16) (67 яшь) Олы Клүчә авылы, Яшел Үзән районы, Татарстан АССР, РСФСР, СССР
Яшәгән урын	Кече Кызыл урам, Казан
Ватандашлыгы	Россия Федерациясе
Һөнәре	сәнәгатьче, дәүләт эшлеклесе
Җефет	Әлфия Гомәр кызы
Бүләк һәм премияләре
Гыйльми дәрәҗә:	икътисад фәннәре нәмзәте[d]
Сергей Когогин Викиҗыентыкта

2002 елның 26 апреленнән бирле "КАМАЗ" ААҖ генераль директоры.

Чаллы шәһәренең шәрәфле ватандашы (2002).

Тәрҗемәи хәле

Белеме

Урта мәктәпнең 8 сыйныфын тәмамлагач, Казан авиация техникумына укырга керә һәм аны 1977 елда тәмамлый. 1982 елга кадәр Казан дәүләт университетының физика факультетында укый, радиофизик белгечлеге ала, 1988 елда Банк мәктәбен тәмамлый.

Хезмәт юлы

Хезмәт юлын 1976 елда Казан мотор төзү заводында фрезерчы буларак башлый. Казан дәүләт университетын тәмамлагач, Яшел Үзән машина төзелеше заводында эшли һәм биредә мөһәндистән директор дәрәҗәсенә кадәр күтәрелә. 1990-1994 елларда Яшел Үзән машина заводы директоры.

1999 елның 30 июненнән  — "КАМАЗ" ААҖ директорлар шурасы әгъзасы. 2002 елның 26 апреленнән — "КАМАЗ" ААҖ генераль директоры.

2009 елның ноябрендә "АВТОВАЗ" ААҖ директорлар шурасы составына кертелде.

"Коммерсантъ" газетасы рейтингында 2010 ел нәтиҗәләре буенча "Машина төзелеше" номинациясендә беренче урынны ала.

Дәүләт эшчәнлеге

1994-1999 елларда — Яшел Үзән районы администрациясе башлыгы.

1999-2002 елларда — Татарстан Республикасы премьер-министры урынбасары, икътисад һәм сәнәгать министры.

2004-2009 елларда — Татарстан Республикасы Дәүләт шурасы депутаты.

Россия Сәнәгать һәм сәүдә министрлыгы каршындагы Иҗтимагый совет рәисе

Гаиләсе

Өйләнгән, ике ир баласы һәм бер кызы бар (кечесе Максим 2009 елда туды). Хатыны Когогина Әлфия Гомәр кызы — РФ Дәүләт Думасы депутаты.

Бүләкләре, шәрәфле дәрәҗәләре

• II дәрәҗә Изге Даниил ордены (2000)
• Татарстанның атказанган машина төзүчесе (2002);
• Чаллы шәһәренең шәрәфле ватандашы (2002);
• "Фән һәм җитештерү" номинациясендә "Дөнья гөлчәчәге" алтын медале (2005);
• Казакъстан Республикасының "Ерен енбегi yшiн" медале (2006);
• "Дуслык" ордены (2007);
• РФ атказанган транспорт эшлеклесе (2010);
• «Татарстан Республикасы алдындагы казанышлар өчен» ордены медале (2022) ― «Татарстан Республикасының икътисади һәм сәнәгать потенциалын ныгытуга керткән өлеше, күпьеллык нәтиҗәле хезмәте өчен»

Шәхси мал-мөлкәте

"Финанс" журналы мәгълүматлары буенча, 2010 елда Россия миллиардерлары арасында 3,3 млрд. сумлык шәхси мал-мөлкәте белән 493 нче урында булган.

Сылтамалар

• Биография на корпоративном сайте КАМАЗ 2009 елның 14 ноябрь көнендә архивланган.
• Биография на сайте «Лучшие люди России» 2016 елның 7 март көнендә архивланган.