Рубен Варданян
Рубен Саркисович Варданян (әрм. Ռուբեն Սարգսի Վարդանյան; 1949 елның 20 мартында туган) - фармацевтика химиясе өлкәсендә совет һәм әрмән галиме, химия фәннәре докторы, профессор, Әрмәнстан ССР Милли Фәннәр академиясе корреспондент әгъзасы (1986), Әрмәнстан Милли Фәннәр академиясенең тулы әгъзасы (1996). Ереван дәүләт университеты һәм Аризона университеты профессоры.
| әрм. Ռուբեն Սարգսի Վարդանյան | |
| Җенес | ир-ат |
|---|---|
| Ватандашлык |
 Әрмәнстан |
| Туу датасы | 20 март 1949[1] (75 яшь) |
| Туу урыны | Ереван, Әрмән Совет Социалистик Республикасы, СССР |
| Ата | Варданян, Саркис Амбарцумович[d] |
| Кардәш | Q28648554? |
| Һөнәр төре | химик |
| Эшчәнлек өлкәсе | фармацевтическая химия[d] |
| Эш урыны | Ереван дәүләт университеты[d] һәм Институт тонкой органической химии[d] |
| Әлма-матер | Ереван дәүләт университеты[d] |
| Гыйльми дәрәҗә | профессор[d] |
| Академик дәрәҗә | химия фәннәре докторы[d] (1985), профессор (1988) һәм академик[d] (1996) |
| Әгъзалык | Әрмәнстан Җөмһүрияте милли фәннәр академиясе[d] |
Биография
үзгәртү1949 елның 20 мартында Әрмәнстан ССРның Ереван шәһәрендә туган.
1966 - 1971 елларда Ереван дәүләт университетының химия факультетында укый һәм аны мактау билгесе белән тәмамлый. 1971 - 1974 елларда СССР Милли Фәннәр академиясенең Органик химия институтының аспирантурасында белемен күтәрә.
1974 елдан Әрмәнстан ССР Милли Фәннәр Академиясенең Нечкә Органик Химия Институтында фәнни-тикшеренү эшендә түбәндәге вазифаларны били: өлкән лаборатория ярдәмчесе, кече һәм өлкән хезмәткәр, 1984 елдан 1995 елга кадәр - аналгесиклар һәм антагонистлар синтезы лабораториясе җитәкчесе. Шул ук вакытта, 1994 - 1998 елларда ул Әрмәнстанның Медицина һәм медицина технологияләре агентлыгының беренче урынбасары вазифасында хезмәт юлын дәвам итә.
1998-2002 елларда ул Ереван дәүләт университетында укытучы булып эшли, фармацевтика химиясе кафедрасын оештыручы һәм беренче мөдире булып тора. 2002 елдан Аризона Университетында фәнни-тикшеренү эшендә фәнни ярдәмче һәм 2006 елдан - әлеге университетнең профессоры була [2] [3].
Фәнни-педагогик эшчәнлеге һәм фәнгә керткән өлеше
үзгәртүР.С. Варданянның төп фәнни-педагогик эшчәнлеге фармацевтика химиясе өлкәсендәге проблемалар белән бәйле. Ул анальгезия, туенган гетероциклик кушылмалар химиясе өлкәсендә, йөрәк-кан тамырлары һәм үзәк нерв системаларына тәэсир итүче дару кушылмалары булдыру белән шөгыльләнә.
1974 елда кандидатлык диссертациясен, 1986 елда химия фәннәре докторы дәрәҗәсе өчен докторлык диссертациясен яклады. 1988 елда аңа профессор академик исеме бирелде. 1990 елда Әрмәнстан ССР Милли Фәннәр академиясенең корреспондент әгъзасы, 1996 елда - Әрмәнстан Милли Фәннәр Академиясенең тулы әгъзасы итеп сайланды. Р.С. Варданян йөз егермедән артык фәнни хезмәт, шул исәптән монографияләр авторы. Шулай ук, ул уйлап табу өчен егерме биш сертификатка ия. Әйдәп баручы фәнни журналларда үзенең фәнни мәкаләләрен бастыра [2] [3].
Төп хезмәтләре
үзгәртү- Төп дарулар синтезы / Р.С. Вартанян. - Мәскәү: Медицина мәгълүмати агентлыгы (ММА), 2005. - 843 б. ISBN 5-89481-218-6 [4]
Искәрмәләр
үзгәртү- ↑ https://www.sci.am/membersview.php?id=183&langid=2
- ↑ 2,0 2,1 Варданян, Рубен Саркисович // Национальная академия наук Республики Армения
- ↑ 3,0 3,1 Варданян, Рубен Саркисович. Энциклопедия фонда «Хайазг». 2021-10-30 тикшерелгән.
- ↑ Варданян, Рубен Саркисович // Российская государственная библиотека