Ришат Әбүбакиров
Ришат Әбүбакиров, Ришат Фазлетдин улы Әбүбакиров (1959 елның 4 июле, ССРБ, РСФСР, ТАССР, Әлмәт районы, Яңа Кәшер — 2019 елның 26 августы, РФ, ТР, Әлмәт) — дәүләт эшлеклесе, хуҗалык җитәкчесе. Әлмәт шәһәре һәм Әлмәт районы башлыгы (2001-2011). Россия Дәүләт думасы депутаты (2011 елдан). Икътисад фәннәре докторы (2009—2015. ВАК карары белән фән докторы дәрәҗәсеннән мәхрүм ителгән[1]). Россия һуманитар академиясе академигы.
| Ришат Әбүбакиров | |
|---|---|
 | |
| Туган телдә исем | Ришат Фазлетдин улы Әбүбакиров |
| Туган | 4 июль 1959 ССРБ, РСФСР, ТАССР, Әлмәт районы, Яңа Кәшер |
| Үлгән | 26 август 2019 (60 яшь) РФ, ТР, Әлмәт |
| Милләт | татар |
| Ватандашлыгы |  ССРБ→ Русия |
| Әлма-матер | Казан дәүләт архитектура-төзелеш университеты |
| Һөнәре | дәүләт эшлеклесе-хуҗалык җитәкчесе |
| Сәяси фирка | Бердәм Русия һәм Советлар Берлеге коммунистик фиркасе |
| Бүләк һәм премияләре |   |
| Гыйльми дәрәҗә: | икътисад фәннәре нәмзәте[d] |
Тәрҗемәи хәлеҮзгәртү
1959 елның 4 июлендә Әлмәт районы Яңа Кәшер авылында туган. Казан төзүче-инженерлар институтын тәмамлаган (1981). 1981-1983 хәрби хезмәттә: төзелештә мастер, прораб булып хезмәт итә. Икътисад фәннәре кандидаты (2003), докторы (2009).
Хезмәт юлыҮзгәртү
- 1983-1988 ВЛКСМ Әлмәт шәһәр комитетында инструктор, бүлек мөдире, беренче сәркатип.
- 1988-1990 «Татнефть» ААҖ кадрлар белән эш оештыру бүлеге мөдире.
- 1990-1992 «Татнефть» ААҖ җәмгыять элемтәләре бүлеге җитәкчесе, генераль директор ярдәмчесе.
- 1992-2000 «Татнефть» ААҖ генераль директоры ярдәмчесе - аппарат җитәкчесе.
- 2000–2001 – «Татнефть» ААҖ кадрлар һәм социаль үсеш буенча генераль директор ярдәмчесе.
- 2001–2005 – Әлмәт районы һәм Әлмәт шәһәре берләшкән халык депутатлары шурасы рәисе, Әлмәт районы һәм Әлмәт шәһәре администрация башлыгы.
- 2006-2011 Әлмәт муниципаль районы җитәкчесе, Әлмәт муниципаль район шурасы рәисе, Әлмәт шәһәре мэры, Әлмәт шәһәр Советы рәисе.
Иҗтимагый эшчәнлегеҮзгәртү
- 2011 VI чакырылыш Россия Дәүләт Думасына депутат итеп сайлана.[2]
- «Бердәм Россия» фиркасенең Әлмәт районы буенча сәяси шурасы сәркатибе.
- Әлмәт районы һәм Әлмәт шәһәренең социаль – икътисади үсеше өчен күп көч куя: аның җитәкчелегендә бик күп программалар раслана, шәһәр һәм районның яшәү шартлары яхшыра, сәламәтләндерү, мәгариф, мәдәни һәм спорт буенча эшчәнлекне үстерә. Нәтиҗәдә, соңгы елларда Әлмәт муниципаль районы Татарстан Республикасында үсеш сыйфаты буенча беренчеләрдән бара.[3]
УңышларыҮзгәртү
- 2003 100 мең халкы булган шәһәрләр арасында «Иң яхшы төзекләндерелгән шәһәр» бәйгесендә Әлмәт РФда III урын, «ТР күләмендә иң яхшы төзекләндерелгән шәһәр» исеме ала.
- 2007 РФ күләмендә «Иң яхшы төзекләндерелгән шәһәр» конкурсында икенче урын.
- 2008 РФ күләмендә «Иң яхшы төзекләндерелгән шәһәр» конкурсында өченче урын.
- 2010 РФ күләмендә «Иң яхшы төзекләндерелгән шәһәр» конкурсында беренче урын.
- 2005 «Әлмәт җитәкчесе — 2005» дигән мактаулы исем бирелде.
Бүләкләре, мактаулы исемнәреҮзгәртү
- Дуслык ордены (2010).
- «Казанның меңьеллыгы хөрмәтенә» медале (2005).
- «Татарстанның 3 миллиард нефть чыгару уңаеннан» медале (2007).
- «ТР алдындагы уңышлары өчен» ордены (2011).
- ТР мактау грамотасы (1997).
- «ТР атказанган төзүчесе» (2003).
- «Әлмәт шәһәренең мактаулы ватандашы».