Ринат Раев
Раев Ринат Афраем улы (26 июнь 1966 ел) — татар һәм башкорт җәмәгать эшлеклесе, мөселман дин әһеле. Чиләбе һәм Курган өлкәләре мөселманнары Төбәк Диния нәзарәте рәисе (2005 елдан), Уфадагы Россия Ислам университеты ректоры (2003-2015). 2008 елдан Урал федераль округының баш мөфтие.
| Ринат Раев | |
|---|---|
| Туган | 26 июнь 1966 (58 яшь) Карасу, Сафакүл районы, Курган өлкәсе, РСФСР, СССР |
| Һөнәре | мөфти |
Биографиясе
үзгәртү1966 елның 26 июнендә Курган өлкәсе Сафакүл районы Карасу авылында туган. 1983 елда Мансур авылы урта мәктәбен тәмамлый[1].
1983 елда Троицк зооветеринария техникумына укырга керә. 1984-1986 елларда Совет армиясе сафында хезмәт итә. 1988 елда Троицк зооветеринария техникумын тәмамлый[1].
1993 елда «Ветеринария» һөнәре буенча Троицк ветеринария институтын тәмамлый. 1993-1995 елларда Троицк шәһәрендә мәдрәсәдә белем ала, имам-хатип булып китә[1].
1995 елдан Уфада Россия мөселманнары Үзәк Диния нәзарәте Баш мөфтиенең җаваплы сәркәтибе, эшләр идарәчесе булып эшли[1].
1996-1999 елларда «Теология» һөнәре буенча Ризаэтдин Фәхретдин исемендәге мәдрәсәдә укый. Бер вакытта мәдрәсәдә укыта һәм уку бүлеге буенча мөдире була.
1999-2003 елларда Ризаитдин Фәхреддин исемендәге Россия Ислам институты директоры була, институтны университетка үзгәртеп коруда катнаша[2].
2005 елдан Чиләбе Ак мәчетенең баш имам-хатыйбы.
2003-2015 елларда Россия мосолмандары Үзәк Диния назаратының Россия Ислам университеты ректоры була.
Бер вакытта 2005 елдан – Чиләбе һәм Курган өлкәләре мөселманнары Төбәк Диния нәзарәте рәисе (мөфтие), «Һилал» гәҗитенең мөхәррире. 2006-2007 елларда Урал федераль округының баш мөфтие. Чиләбе өлкәсе Җәмәгать палатасы, Чиләбе өлкәсе Законнар чыгару җыелышы Җәмәгать советы, Чиләбе өлкәсе Эчке эшләр дәүләт идарәлеге каршындагы Җәмәгать советы әгъзасы[1].
2007 елның ноябреннән Россия мөселманнары Үзәк Диния нәзарәте Баш мөфтиенең мәгариф һәм кадрлар әзерләү буенча урынбасары[3].
Сафакүл авылында мәдрәсә ачу проектын күтәрә[1].
2008 елдан Урал федераль округының баш мөфтие.
Искәрмәләр
үзгәртү- ↑ 1,0 1,1 1,2 1,3 1,4 1,5 Раев Ринат Афраемович 2018 елның 16 ноябрь көнендә архивланган. // «Лица Зауралья».
- ↑ Юнысова А. Б. Раев Ринат Афраемович(үле сылтама) // Башкортостан: народы и культуры. Иллюстрированная энциклопедия.
- ↑ Муфтий Челябинской и Курганской областей Ринат Раев // Центральное духовное управление мусульман России.
