Рафаэль Фәссахов

Рафаэль Фәссахов
Рафаэль Фәссахов
	Файл:.jpg
Туган телдә исем	Рафаэль Хәйретдин улы Фәссахов
Туган	1939; ССРБ, РСФСР, ТАССР, Мөслим районы, Тегермәнлек
Үлгән	2003; РФ, ТР, Казан
Милләт	татар
Ватандашлыгы	ССРБ→; РФ
Һөнәре	галим, химик-технолог
Җефет	Луиза
Балалар	кызы Чулпан, улы Адлер
Бүләк һәм премияләре	ТАССР атказанган фән эшлеклесе
Гыйльми дәрәҗә:	химия фәннәре докторы[d]

Рафаэль Фәссахов, Рафаэль Хәйретдин улы Фәссахов (1939 ел, ССРБ, РСФСР, ТАССР, Мөслим районы, Тегермәнлек — 2003 ел, РФ, ТР, Казан) — галим, химия фәннәре докторы (1991), КХТИ профессоры (1992), Татарстан АССР атказанган фән эшлеклесе (1990).

Википедиядә Фәссахов фамилияле башка кешеләр турында мәкаләләр дә бар.

Тәрҗемәи хәле

1939 елда Мөслим районының (хәзер Түбән Табын авыл җирлегенә керүче^[1]) Тегермәнлек авылында туган. Әтисе Хәйретдин 1942 елда Бөек Ватан сугышында һәлак була. Рафаэль Мөслим районы Яңа Усы җидееллык, Мөслим урта мәктәбен (1956) тәмамлаган. Тормышның авыр елларында мәктәпне ташлап, бер ел күмәк хуҗалыкта эшли, кабат укуга кайтып, урта мәктәпне бишле билгеләренә тәмамлый. Казанга килеп, ике ел төзелештә эшли. Өч ел армиядә хәрби хезмәттә була. «Инженер-химик-технолог» белгечлеге буенча Казан химия-технология институтын «бик яхшы» билгеләргә тәмамлагач (1967), шул институтта азотның органик кушылмаларының химия һәм технология кафедрасында эшкә калдырыла. Химия фәннәре кандидатлыгына (1972), докторлыгына (1991) диссертацияләр яклаган. 1972 елдан — кафедрада ассистент, доцент, 1992 елдан — профессор.

Фәнни-педагогик эшчәнлеге

36 ел КХТИда фәнни, педагогик эшчәнлек алып бара. 130дан артык фәнни хезмәт авторы. Уйлап табуга унлап патент алган ^[2]. Имидазолның(рус.)татар. төрләрен чыгаруга^[3], кайбер дарулар ясауга зур өлеш кертә. Стәрлетамакның «Авангард» заводында яңа уйлап табылган шартлагыч матдәләрнең технологиясен үзләштерүдә катнаша. Аның җитәкчелегендә 8 кеше химия фәннәре кандидатлыгына диссертация яклаган. Исеме Татар энциклопедиясенә кертелгән.

Бүләкләре, мактаулы исемнәре

1990 — Татарстан АССР атказанган фән эшлеклесе

Гаиләсе

Хатыны Луиза. Балалары КХТИ тәмамлаган: кызы Чулпан, химия фәннәре кандидаты, «Казхимпромпроект» институтында, улы Адлер, КХТИ тәмамлагач, юридик белем алган, ТР прокуратурасында эшли.

Искәрмәләр

↑ Түбән Табын авыл җирлеге. Кыскача мәгълүмат 2019 елның 6 октябрь көнендә архивланган.
↑ Изобретатель Фассахов Рафаэль Хайрутдинович является автором следующих патентов.(рус.)
↑ Фассахов Р. Х. Способ получения имидазола

Чыганаклар

Татарский энциклопедический словарь. Казань: Институт татарской энциклопедии АН РТ, 1999. ISBN 0-9530650-3-0

Әдәбият

Ф. Н. Баһаутдинов. Без Мөслим балалары. К.:Идел-Пресс, 2006 ел, 311-312нче бит.. ISBN 5-85247-005-4
Ә. Ә. Әхмәтгалиев. Мөслим төбәге. Тарихи сәхифәләр. Чаллы: Яр Чаллы типографиясе ДУП, 2003.

Сылтамалар

Моны да карагыз

[1] Түбән Табын авыл җирлеге. Кыскача мәгълүмат 2019 елның 6 октябрь көнендә архивланган.

[2] Изобретатель Фассахов Рафаэль Хайрутдинович является автором следующих патентов.(рус.)

[3] Фассахов Р. Х. Способ получения имидазола

[1]

[2]

[3]