Fäwziä Bäyräm: юрамалар арасында аерма
Төзәтмә аңлатмасы юк |
(аермасы юк)
|
24 ноя 2004, 17:47 юрамасы
Fäwziä Bäyräm Awhadí qızı Tatar xalqınıñ kürenekle säyäsätçe, yazuçı.
1990. yıllarda anı Tatar färeştäse dip tä atağannar, Söyembikä belän çağıştırğannar, xalıqta olı ömet tudırğaníı.
Soñğı arada Fäwziä xanum Çallıda tora, yazu eşe belän şöğellänä. Qızı Sölfiä AQŞta Íslam taríxı buyınça belem alıp, şunda eşli. Uğlı Söläyman Malaysiada uqıp yäşi.
Törmış
Fäwziä Bäyräm xanum 1950. yılnıñ 5. Dekäberdä Tatarstannıñ Saba cirlegendäge Sabay awılında tuğan.
Mäktäp tämamlağaç, uqunı Qazandağı Uqutuçı mäktäbendä däwam itä.
1983–1989. yıllarda Qazan Üniversitäteneñ telbelgeç bülegendä uqí.
Eş yıllarını cirle TV stansída başlí, annarı ber näşriättä eşli. Tatar matbuğatında mäqäläläre çığa.
1986. yılda Sovet Yazuçılar Berlegenä kerä.
1994. yıldan birle Tatarstan Yazuçılar Berlege äğzäse.
Säyäsi eşlär
Fäwziä xanumnıñ säyäsätkä birelüe 1988. yılda Tatar Íctímağí Üzägeneñ räistäşe buluınnan başlana. Tatar telen ğämälgä kertü belän şöğellänä.
1990. yılda Fäwziä qatnaşuı belän Íttífaq firkäse barlıqqa kilä.
1990–1995. yıllarda Fäwziä xanum Tatarstannıñ Däwlät Şurasında xalıq wäkile bularaq eşli. Bu yıllarda “Urıs İmperise” belän qaralaşqanda Tatarstannıñ maxsus xälät buldıruında küp qatnaşqan, 1990. yılda anıñ Bäysezlek Íğlannamasın buldıruında, 1991. yılda Bäysezlek turında referendum ütkärüendä wä däwlät qanunnamasın qabul itüendä.
1991. yılda Tatarstan cirendä urıs präzidenten saylawın üzgärtüenä qarşı çığıp, 14 könle açlıq íğlan itkänie. Näticädä 1991. yılnıñ 27. Mayında Tatarstan Däwlät Şurası urısbaşı saylawı Tatarstanda uzmağan dip íğlan itkän. Tatar milli xäräkäteneñ berençe zur ciñü bulğaníı bu.
1992. yılda Milli Meclis oyıştırılğaníı, ul Tatar xalqınıñ milli şura bularaq sanaldı. Fäwziä xanum 1994–1997. yıllarda Milli Meclisneñ räise itep saylanğaníı.
1990. yıllarınıñ başında Fäwziä Bäyräm Törki xalıqlar berlegen buldıru belän eşlägän. 1990. yılda Mäskäwdä uzğan Törki wä Möslim xalıqlarnıñ berençe qorıltayında qatnaşqan. 1991. yılda Qazanda Törki Xalıqlar Şurasın oyıştıra wä ul anıñ citäkçeläreneñ berse bula.
1990. yıllar azağında–2000. yıllar başında Fäwziä İdel-Ural xalıqları qorıltayın oyıştıruında eşli.
İl wäkile bularaq
Xalıqara elemtälär qorıp, Fäwziä xanum donyada baytaq säfär itte:
Monnan tış ul Ukraina, Qırım, Baltíq illäre, Urta Asíağa küp säfärlär qılğan.
AQŞta Fäwziä Bäyräm Tatar möxäcirläre belän oçraşqan, Amerikan säyäsätçeläre, ğälimnäre wä cämğiät eçlekçeläre belän aralaşqan.