Wikipedia

Коста-Рикада ислам

Коста-Рикада азчылык дине

Коста-Рикада ислам (исп. Islam en Costa Rica, гарәп. الإسلام في كوستاريكا‎) ― азчылык дине. Ил халкының (5 млн кеше, 2020 елга) 0,1 % ы ― мөселманнар.

Коста-Рикада ислам
Дәүләт  Коста-Рика
Бу мәкалә Ислам турында
Сан-Хосе үзәгендә урнашкан Гомәр мәчете һәм Коста-Рика ислам үзәге. 2003 елда ачылган

Тарих үзгәртү

XX гасыр башында Коста-Рикага беренче тапкыр гарәпләр (нигездә, христиан динендәге ливанлылар) күчеп килә [1].

XX гасыр урталарында илдә Якын Көнчыгыштан (нигездә, Ливан һәм Фәлистыйннан) һәм Төньяк Африкадан төрле хәрби конфликтлардан качкан гарәпләрнең саны күбәя [1].

1976 елда бөтен Коста-Рикада дүрт мөселман гына булган [2].

Коста-Риканың 1949 елгы конституциясе Католик динен дәүләт дине итеп билгели, бер үк вакытта, гражданнарның дини иреген хуплый. 2021 елда Коста-Рика университеты үткәргән тикшеренү күрсәткәнчә, ил халкының 47 % ы – католиклар, 27 % ы – дин тотмаучылар, 19 % ы – Инҗил христианнары, 1 % ы – традицион протестантлар, 0,3 % ы – мормоннар, 0,2 % ы – Иегова шаһитлары, 0,1 % ы ― мөселманнар, 2,7 % ы – башка диннәр (яһүд дине, Һинд дине һ. б.) тарафдарлары.

Саны үзгәртү

Хәзер Коста-Рикадагы мөселманнарның саны – 1000–1500 кеше [3][4], алар, нигездә Алжир, Һиндстан, Гыйрак, Иран, Ливан, Марокко, Мисыр, Сомали, Пакистан, Фәлистыйн һәм Сириядән күчеп килгән мөселман мөһаҗирләр һәм аларның нәселе [5], шулай ук мөселман динен кабул иткән костарикалылар, аларның саны – 100 кеше. Коста-Рика мөселманнарының күпчелеге – сөнниләр, азчылыгы – шигыйлар, аларның төгәл саны билгеле түгел.

Мәчетләр үзгәртү

2003 елда Коста-Рика мөселманнарына мәчет төзүгә рөхсәт бирелә. Коста-Рика мөселманнары Кариб диңгезе бассейнындагы башка илләрнең мөселман җәмгыятьләре белән тыгыз элемтә урнаштыра [6].

Хәзерге вакытта Коста-Рикада өч мәчет бар. Коста-Риканың мөселман мәдәни үзәге (El Centro Cultural Musulmán) тарафыннан идарә ителүче Гомәр мәчете һәм Коста-Рика ислам үзәге(ингл.)татар. (Mezquita de Omar y el Centro Cultural Musulmán de Costa Rica, сөнни) Сан-Хосе провинциясенең Гойкоэчеа кантонында(ингл.)татар. Монтелимар районында урнашкан, мөселманнар анда җомга көнне көннең икенче яртысында җыела. Коста-Риканың мөселман мәдәни үзәгенә 2002 елда Мисырда туып-үскән шәех Гомәр Әбдел Азиз тарафыннан нигез салынган. Мароккодагы Рабат шәһәрендә(ингл.)татар. урнашкан Ислам мәдәнияте, мәгариф һәм фән оешмасы(ингл.)татар. белән бәйле [5]. Сөнни Нур-Иман мәчете (Light and Faith Mosque) Сан-Хосе үзәгендә урнашкан һәм аны Дженнифер Рәшидә Торрес (Jennifer Rashida Torres) җитәкли. Шигыйлар мәчете шулай ук Сан-Хоседа урнашкан [7]. Шигый мәчетенә нигез салганчы, шигыйлар шәхси йортта намаз укыган яки проблемасыз гына сөнни мәчетенә йөргән [5].

Коста-Рикада Әхмәдия мөселманнарының да үзәге бар [8].

Искәрмәләр үзгәртү

  1. ↑ 1,0 1,1 (2017) «Migración e identidad cultural en Costa Rica (1840 a 1940)». Revista de Ciencias Sociales: 131-144. Проверено 26 de agosto de 2017.
  2. ↑ Un viernes en la mezquita (1 de febrero de 2015). 29 de marzo de 2019 тикшерелде.
  3. ↑ El islam en la tierra del gallo pinto (2015).
  4. ↑ «Islam en Costa Rica».
  5. ↑ 5,0 5,1 5,2 (2011) «Islam». 2021 елның 19 октябрь көнендә архивланган. архив күчермәсе (PDF), archived from the original (PDF) on 2021-10-19, retrieved 2022-01-17 
  6. ↑ https://republika.co.id/berita/dunia-islam/islam-digest/17/05/15/opzrz2313-san-jose-rumah-umat-islam-di-kosta-rika
  7. ↑ Emisor del islam (2010).
  8. ↑ Over 540,000 join the Ahmadiyya Muslim Jamaat. Al Islam. әлеге чыганактан 2022-12-04 архивланды. 2022-01-17 тикшерелгән.
Чыганак — https://tt.wikipedia.org/w/index.php?title=Коста-Рикада_ислам&oldid=4139683