Иршат Минкин
Иршат Солтан Улы Минкин (1963 елның 27 июле, Иске Шәйморза, Чүпрәле районы, Татарстан АССР, ССРБ) — Россия дәүләт һәм сәяси эшлеклесе, VII чакырылыш Дәүләт Думасы депутаты, «Бердәм Россия» фракциясе әгъзасы, Дәүләт Думасының транспорт һәм төзелеш комитеты әгъзасы[1].
| Иршат Минкин | |
|---|---|
 | |
| Туган | 27 июль 1963 (61 яшь) Иске Шәйморза, Буа районы, Татарстан АССР, РСФСР, СССР |
| Ватандашлыгы |  ССРБ → Россия Федерациясе |
| Белем | Казан дәүләт архитектура-төзелеш университеты, Россия дәүләт хезмәте академиясе |
| Һөнәре | сәясәтче, РФ Дәүләт думасы депутаты |
| Эш бирүче | VII чакырылыш Дәүләт Думасы депутаты |
| Сәяси фирка | Бердәм Русия |
Биография
үзгәртүИршат Минкин 1963 елның 27 июлендә Иске Шәйморза авылында туа. 1987 елда Казан инженер-төзелеш институтында «инженер-төзүче» белгечлеге буенча югары белем ала. 2007 елда Россия Федерациясе Президенты Россия дәүләт хезмәте академиясендә «дәүләт һәм муниципаль идарә» белгечлеге буенча яңадан әзерлек уза.
1982 елда ССРБ Кораллы көчләренә армиягә алына, 1984 елда демобилизацияләнә. Армиядән кайткач, Казан инженер-төзелеш институтында укуын дәвам итә, укуны эш белән бергә алып бара. Институтның матди-техник тәэмин итү бүлегендә товар белгече булып эшли. 1986 елда Казан шәһәренең Совет районы Торак-эксплуатация идарәсе (ТЭИ) мастер вазыйфасына кабул ителә, соңрак баш инженер, ТЭИ идарәсе башлыгы булып эшли. 1998 елда ПТЖХ-1 МУП идарәчесе вазыйфасына билгеләнә. Соңрак Түбән Кама районы һәм Түбән Кама шәһәре ТКХ комитеты рәисе вазыйфасында эшли. 2001 елда Түбән Кама шәһәре башлыгы урынбасары, ә соңыннан — Түбән Кама шәһәре башлыгының беренче урынбасары вазыйфасына билгеләнә. 2005 елның маенда Казан шәһәр администрациясе башлыгы урынбасары вазыйфасына билгеләнә. 2006 елдан 2008 елга кадәр Казан шәһәре Башкарма комитетында шәһәр хуҗалыгын һәм инфраструктураны үстерү буенча җитәкче урынбасары вазыйфасында эшли[2].
2008 елның мартында өстәмә сайлауларда 9 нчы номерлы беренче мандатлы сайлау округы буенча Казан шәһәр Думасы депутаты итеп сайлана[3]. 2010 елның октябрендә «Бердәм Россия» партиясеннән II чакырылыш Казан шәһәр Думасы депутатларына үз кандидатурысын тәкъдим итә, сайлаулар нәтиҗәләре буенча депутат итеп сайлана[4].
Шәһәр Думасында вәкаләтләрне даими булмаган нигездә башкарган, 2008 елдан 2013 елга кадәр Казан шәһәре администрациясе башлыгының беренче урынбасары булып эшләгән. 2013 елдан «Дорстрой Казан» идарәче компаниясендә директор вазыйфасында эшли, 2014 елдан «Махсус икътисадый зоналар» ААҖ генераль директор урынбасары вазыйфасында эшли, 2016 елның мартыннан «Казметрострой» АҖ генераль директор урынбасары вазыйфасына билгеләнә[5].
2016 елның сентябрендә «Бердәм Россия» партиясеннән Дәүләт Думасына тәкъдим ителә, сайлаулар нәтиҗәләре буенча 31 нче номерлы бермандатлы сайлау округы буенча Дәүләт Думасы депутаты итеп сайлана[6].
Закон чыгару эшчәнлеге
үзгәртү2016 елдан 2019 елга кадәр, VII чакырылыш Дәүләт Думасы депутаты вәкаләтләрен үтәү дәвамында 87 закон чыгару инициативасы һәм федераль законнар проектларына төзәтмәләр авторы була.
Бүләкләр
үзгәртү- «Казанның 1000 еллыгы истәлегенә» медале
- Татарстан Республикасының Атказанган торак-коммуналь хуҗалыгы хезмәткәре.
Искәрмәләр
үзгәртү- ↑ Минкин Иршат Султанович. Государственная Дума. 2018-12-23 тикшерелгән.
- ↑ Минкин, Иршат Султанович. ТАСС. 2018-12-23 тикшерелгән.
- ↑ ИЗБИРАТЕЛЬНАЯ КОМИССИЯ МУНИЦИПАЛЬНОГО ОБРАЗОВАНИЯ Г. КАЗАНЬ. Об установлении общих результатов дополнительных выборов депутатов Казанской городской Думы 2 марта 2008 года.
- ↑ Об установлении общих результатов выборов депутатов Казанской городской Думы второго созыва. tatarstan.regnews.org. әлеге чыганактан 2018-12-24 архивланды. 2018-12-24 тикшерелгән.
- ↑ Минкин Иршат Султанович. әлеге чыганактан 2018-12-24 архивланды. 2021-01-27 тикшерелгән.
- ↑ Приложение к постановлению Центральной избирательной комиссии Российской Федерации от 23 сентября 2016 г. N 56/541-7. Российская газета. 2018-12-24 тикшерелгән.
