Илшат Нуриев
Илшат Габделфәрт улы Нуриев (1967 елның 6 ноябре, Апаз авылы, Арча районы, Татарстан АССР, ССРБ) — Россия муниципаль эшлеклесе. Арча муниципаль районы башлыгы (2015 елдан). Икътисад фәннәре кандидаты.
| Илшат Нуриев | |
|---|---|
 | |
| Туган | 6 ноябрь 1967 (57 яшь) Апаз,Арча районы, Татарстан АССР, ССРБ |
| Ватандашлыгы |  Россия Федерациясе |
| Әлма-матер | Казан авыл хуҗалыгы институты Мәскәү коммерция академиясе |
| Һөнәре | район башлыгы |
Тормыш юлы
үзгәртү1967 елның 6 ноябрендә Татарстан АССРның Арча районы Апаз авылында туа[1]. 1983 елда Арча районының «Ватан» совхозында тракторчы булып хезмәт эшчәнлеген башлый. 1990 елда «икътисадчы-оештыручы» белгечлеге буенча Казан авыл хуҗалыгы институтын тәмамлый. 1996 елда «менеджмент» белгечлеге буенча Мәскәү коммерция академиясен тәмамый.
1990—1996 елларда — Балтач районы кулланучылар җәмгыятенең колбаса цехы башлыгы. 1996 елдан Балтач район кулланучылар җәмгыяте рәисе урынбасары. 1999 елдан 2008 елга кадәр — Саба районында «Шәмәрдән ит комбинаты» ААҖ генераль директоры. 2008—2009 елларда — Казан дәүләт аграр университеты проректоры. 2009 елдан «Вамин-Татарстан» ААҖ филиалы «Балтач май-сөт комбинаты» директоры. 2004 елда «Яңа мәгълүмати технологияләр нигезендә АПК предприятиеләре эшчәнлеге белән оператив идарә итү» темасына кандидатлык диссертациясен яклый[2].
2014 елда Татарстан Республикасы Арча муниципаль районы башкарма комитеты җитәкчесе итеп билгеләнә[3]. 2015 елның сентябрендә Арча муниципаль районы башлыгы итеп сайлана[4].
Өйләнгән, ике баласы бар.
Бүләкләр
үзгәртүИскәрмәләр
үзгәртү- ↑ Нуриев Ильшат Габделфартович tatcenter.ru
- ↑ Оперативное управление деятельностью предприятий АПК на основе новых информационных технологий
- ↑ НАЗНАЧЕН НОВЫЙ РУКОВОДИТЕЛЬ АРСКОГО РАЙОНА
- ↑ Избран глава Арского муниципального района, archived from the original on 2021-04-11, retrieved 2021-04-11
