Зөһрә Фәйзуллина
Фәйзуллина Зөһрә Халит кызы (29 июль 1946 ел — 27 октябрь 2020 ел) — педагог, журналист, шагыйрь. Россия Федерациясенең һәм Башкортстан Республикасының Язучылар, Журналистлар берлекләре әгъзасы. Башкортстан Республикасының атказанган укытучысы. Рамазан Өметбаев, Ким Әхмәтҗанов, Хөсәен Әхмәтов исемендәге премияләр лауреаты.
| Зөһрә Фәйзуллина | |
|---|---|
| Туган | 29 июль 1946 Казмаш, Әбҗәлил районы, БАССР, РСФСР, СССР |
| Үлгән | 27 октябрь 2020[1] (74 яшь) Уфа, Россия[1] |
| Ватандашлыгы |  СССР Россия |
| Һөнәре | язучы, журналист, педагог |
Биографиясе
үзгәртүЗөһрә Халит кызы Фәйзуллина 1946 елның 29 июлендә Башкорт АССРның Әбҗәлил районы Казмаш авылында туган.
Башкорт дәүләт университетының филология факультетын тәмамлаган.
1969-1980 елларда Әбҗәлил районы мәктәпләрендә әдәбият һәм тел укытучысы булып эшли.
1980 елда Сибайга күчеп килә, аннары мәктәп-интернатта һәм Сибай педагогия училищесында (колледжы) укыта.
1996-2001 елларда «Атайсал» төбәкара гәзитенең баш мөхәррире була.
2005-2012 елларда — Сибайдагы «Чулпан» башкорт балалар театрының әдәби бүлеге җитәкчесе булып эшли.
Зөһрә Халит кызы Фәйзуллина 2020 елның 27 октябрендә Уфа шәһәрендә вафат була[2].
Иҗаты
үзгәртүБалалар һәм өлкәннәр өчен төрле жанрларда әсәрләр иҗат итә. Аның «Илекле җыр», «Могҗиза көтәм» җырлар җыентыклары, «Җырларым — йөрәгемдә» электрон җырлар басмасы, кече яшьтәге балалар өчен «Бабам әманәте» шигырьләре; «Олы Җидегән» пьесалар җыентыгы, Мәктәп сәхнәсе өчен пьесалар (2010 ел); «Җәйнең төсе» шигырьләр альманахы һәм «Безнең байрәмнәр» сценарийлар җыентыгы чыгарыла.
Мактаулы исемнәре һәм башка бүләкләре
үзгәртү- Башкортстан Республикасының атказанган укытучысы
- Рамазан Өметбаев исемендәге премия
- Ким Әхмәтҗанов исемендәге премия
- Хөсәен Әхмәтов исемендәге премия
Искәрмәләр
үзгәртү- ↑ 1,0 1,1 1,2 Башинформ / мөхәррир А. В. Валиев — 1992.
- ↑ Уфада драматург, журналист һәм җырлар авторы Зөһрә Фәйзуллина арабыҙҙан китте. «Башинформ» мәгълүмат агентлыгы, 27 октябрь 2020 ел(Тикшерелгән 30 октябрь 2020)
Әдәбият
үзгәртү- Зөһрә Фәйзуллина. Биография, шигырьләр//Балалар әдәбияты антологиясе — Уфа, 2014 — 196-196-се бб.