Евгений Монин

Евгений Григорьевич Монин (1931 елның 20 июле, Харьков, ССРБ — 2002 елның 25 сентябре, Мәскәү, Россия) — совет һәм Россия рәссам-графигы, Россия сәнгать академиясе әгъза-корреспонденты (2001).

Евгений Монин
Туган	20 июль 1931(1931-07-20) Харьков, Украин ССР, ССРБ
Үлгән	25 сентябрь 2002(2002-09-25) (71 яшь) Мәскәү, Россия
Ватандашлыгы	ССРБ Россия Федерациясе
Әлма-матер	Мәскәү архитектура институты

Тормыш юлы

Евгений Монин 1931 елның 20 июлендә Украин ССРның Харьков шәһәрендә туган, Мәскәүдә яшәгән һәм эшләгән.

1950 елда — Мәскәү урта сәнгать мәктәбен, 1956 елда Мәскәү архитектура институтын тәмамлый.

1955 елдан ул Мәскәүнең «Детская литература», «Малыш», «Советская Россия», «Молодая гвардия», «Гослитиздат» нәшриятларында, шулай ук Киевның «Детвидав» нәшриятында, Кишинёвның «Лумина» нәшриятында, Пермь китап нәшриятында эшли.

2001 елда Россия сәнгать академиясе әгъза-корреспонденты итеп сайлана.

Евгений Монин 2002 елның 25 сентябрендә Мәскәүдә вафат була.

Иҗади эшчәнлек

Евгений Монин «Үрмәкүч Анан-зе» (Африка риваятьләре җыентыгы, 1958), «Тылсымлы эскәтер» (рус әкиятләре, 1970), «Дөньяда нәрсә булмый» (рус әкиятләре, 1973), Гримм бертуганнарның «Әкиятләр» (1976), Юлиан Тувимның «Барлык балаларга хат» (1979), «Минем якларда» (Италия халык әкиятләре, 1981), Н. П. Кончаловскаяның «Данлы шәһәр Мәскәү» (1983), О. Туманянның «Әкиятләр» (1987), С. Я. Маршакның «Храбрецы» (инглиз халык җырлары, 1988), «Биш яхшы дус» (дөнья халыклары әкиятләре, 1989), Я. Акимның «Төрле төстәге йортлар» (1989), «Джек-алпамшаларны җиңүче» (инглиз халык әкиятләре, 1991) китапларын иллюстрацияләү өстендә эшли.

Күргәзмәләр бизи: Варшавадагы «Совет яшьләре» V Бөтендөнья яшьләр һәм студентлар фестивален (1955), Брюссельдә узган Бөтендөнья күргәзмәсендә (1957—1958) Совет павильоны залын.

Бүләкләр

• Россия Федерациясенең халык рәссамы (1998);
• РСФСР Атказанган рәссамы (1980);
• Япониядә Рус сәнгате күргәзмәсендә катнашкан өчен Токио шәһәре губернаторының шәхси юлламасы һәм дипломы (1967);
• Банска-Бистрица шәһәрендә кече график формаларның Халыкара квадриенналы дипломнары (1974, 1977, 1985);
• «Китапларны иллюстрацияләүдә күренекле казанышлар өчен» махсус диплом (1982);
• Литва ССР Югары Советы Президиумының мактау грамотасы (1984).

Сылтамалар

• Монин Евгений Григорьевич (1931—2002). rah.ru. әлеге чыганактан 2021-10-22 архивланды. 2022-05-03 тикшерелгән.
• Монин Евгений Григорьевич — ПроДетЛит. prodetlit.ru.
• Евгений Григорьевич Монин — неординарный русский художник. Блог школы Bratec Lis School. bl-school.com.
• YouTube сайтында «Человек с большой буквы» - Евгений Монин. Художник-иллюстратор Ольга Монина рассказывает о своем отце, Народном художнике РФ Евгении Григорьевиче Монине.